Mierc zmoh pierakanać Trampa pry dapamozie «dypłamatyi čekavych knižak»
Paśla miesiacaŭ sumnievaŭ prezident ZŠA Donald Tramp ŭsio ž źmianiŭ kurs adnosna Rasii i Ukrainy i, jak piša The Wall Street Journal, klučavuju rolu ŭ hetym adyhraŭ fiederalny kancler Hiermanii Frydrych Mierc.
Usio pačałosia z telefonnaha zvanka: 11 lipienia, paśla asabliva maštabnych rasijskich abstrełaŭ, Tramp asabista patelefanavaŭ Miercu, kab vykazać niezadavolenaść Uładzimiram Pucinym. Akazałasia, Tramp byŭ hatovy pierahledzieć svajo staŭleńnie da pastavak zbroi.
Jašče za niekalki dzion da hetaha Mierc prapanavaŭ, što Hiermanija zapłacić za amierykanskija sistemy SPA dla Ukrainy. I ciapier, kali Tramp byŭ nastrojeny rašuča, Miercu ŭdałosia damovicca ź im.
Pavodle danych WSJ, z červienia Mierc rehularna kantaktavaŭ z Trampam, a 3 lipienia prapanavaŭ kankretnuju ździełku: Bierlin kuplaje dva kompleksy Patriot naŭzamien spynienych pastavak ad Pientahona.
Jak adznačaje vydańnie, Tramp, vierahodna, nie byŭ navat prainfarmavany pra prypynieńnie dapamohi Ukrainie, tamu prosta padčas razmovy nibyta źviarnuŭsia da prysutnaha pobač ministra abarony Pita Chiehsieta: «Pit, što adbyvajecca?»
Mienavita tady, pa słovach adnaho z surazmoŭcaŭ WSJ, Mierc znajšoŭ da Trampa pravilny padychod, i ciapier viadzie «dypłamatyju čekavych knižak».
U vyniku Tramp nie tolki pahadziŭsia na prodaž, ale i prapanavaŭ adrazu piać kompleksaŭ. Śledam za tym prezident ZŠA staŭ adkryta pahražać Maskvie sankcyjami i nastojvać na pieramovach.
Praŭda, adnačasova ź Miercam sprabavali svaimi sposabami ŭździejničać na Trampa i inšyja jeŭrapiejskija lidary. Tak, prezident Finlandyi Alaksandr Stub ustalavaŭ siabroŭskija adnosiny z Trampam padčas holf-turniru ŭ Fłarydzie, a hienieralny sakratar NATA Mark Rute rehularna dasyłaŭ jamu liślivyja paviedamleńni. Niefarmalna jon nibyta navat žartam nazvaŭ Trampa «tatkam».
Tramp zajaviŭ, što Zialenski nie pavinien nanosić udary pa Maskvie, a dalnabojnych rakiet Ukrainie jon nie daść
Ministr abarony Hiermanii vyklučyŭ pastaŭki Ukrainie kryłatych rakiet Taurus
Čas dla vialikaha nastupu Rasii: jakimi mohuć być «apošnija 50 dzion vajny»
Tramp zajaviŭ, što rakiety dla Patriot užo adpraŭleny va Ukrainu
Upłyŭ Miełanii Tramp na muža byŭ niedaacenieny. Ukraina atrymała niečakanaha sajuźnika ŭ jaje asobie
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary