Tramp zajaviŭ, što Zialenski nie pavinien nanosić udary pa Maskvie, a dalnabojnych rakiet Ukrainie jon nie daść
15 lipienia prezident ZŠA Donald Tramp zajaviŭ, što prezident Ukrainy Uładzimir Zialenski nie pavinien nanosić udary pa Maskvie. Pra heta jon skazaŭ padčas sustrečy z žurnalistami, jakuju pakazvaŭ telekanał Fox News.
Tak prezident ZŠA prakamientavaŭ raniejšyja paviedamleńni ŭ ŚMI (Washington Post i Financial Times), pavodle jakich Tramp padčas telefonnaj razmovy ź Zialenskim nibyta cikaviŭsia, čamu ŭkraincy nie atakujuć Maskvu. Zialenski, zhodna z hetymi danymi, adkazaŭ, što dla hetaha patrebna adpaviednaja zbroja. Pres-sakratarka Trampa Kerałajn Levit paśla zajaviła, što słovy prezidenta ZŠA vyrvanyja z kantekstu.
Ciapier ža sam Tramp padkreśliŭ, što jon nie padtrymlivaje nivodzin z bakoŭ u vajnie — jon «na baku čałaviečnaści» i choča spynić śmierci tysiač ludziej.
Taksama Trampu nahadali pra 50 dzion, jakija jon daŭ Rasii na zakančeńnie vajny, i spytalisia, čamu mienavita stolki. Jon adkazaŭ:
«Ja nie dumaju, što 50 dzion — heta vielmi doŭha, termin moža być i karaciej. Ale čamu vy nie pytajeciesia ŭ Bajdena, čamu jon uciahnuŭ nas u hetu vajnu? Vy pavinny zadać toje ž pytańnie Bajdenu. Viedajecie, čamu? Tamu što jon tupica, a vy niapravilna aśviatlajecie heta. Hetaha b nikoli nie adbyłosia, kali b ja byŭ prezidentam».
Adnosna svajho ciapierašniaha staŭleńnia da Pucina prezident ZŠA zajaviŭ:
«Pahladzim, što adbudziecca z Pucinym. Pakul što ja im vielmi rasčaravany. Ja vyrašyŭ mnostva vojnaŭ u apošnija try miesiacy, ale hetuju vajnu pakul nie. Heta vajna Bajdena, nie Trampa, ja sprabuju vyciahnuć nas z hetaha zamiesu».
Na pytańnie, ci źbirajecca jon pieradavać Ukrainie dalnabojnyja rakiety, Donald Tramp skazaŭ, što takich płanaŭ u jaho niama.
Bieły dom pryznaŭ, što Tramp pytaŭsia ŭ Zialenskaha pra mahčymaść «udaryć pa Maskvie»
Tramp adhavaryŭ respublikancaŭ ad padtrymki zakona ab «piakielnych sankcyjach» suprać Rasii
Upłyŭ Miełanii Tramp na muža byŭ niedaacenieny. Ukraina atrymała niečakanaha sajuźnika ŭ jaje asobie
Tramp razhladaje mahčymaść pastavak Ukrainie rakiet Tomahawk
Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie
Tramp: 17 sistem Patriot adpravim va Ukrainu
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Jašče.napieradzie pa 50 ×22 razy i jak raz= 3.5 hady