Tramp adhavaryŭ respublikancaŭ ad padtrymki zakona ab «piakielnych sankcyjach» suprać Rasii
Prezident ZŠA Donald Tramp daručyŭ respublikancam u Kanhresie adkłaści razhlad zakonaprajekta ab tak zvanych «piakielnych sankcyjach» suprać Rasii. Pra heta paviedamlaje Time sa spasyłkaj na krynicu, blizkuju da kiraŭnictva Sienata.
Pavodle hetaj infarmacyi, Bieły dom vyrazna daŭ zrazumieć zakanadaŭcam, što nie žadaje prasoŭvać hetu inicyjatyvu, niahledziačy na šyrokuju dvuchpartyjnuju padtrymku. «Tramp hetaha nie choča», — adznačyŭ surazmoŭca.
Zakonaprajekt byŭ raspracavany sienataram-respublikancam Lindsi Hremam u saaŭtarstvie z demakratam Ryčardam Blumientalem. Jon praduhledžvaje surovyja ekanamičnyja miery nie tolki ŭ dačynieńni da Rasii, ale i da krain, jakija padtrymlivajuć jaje vajskovy patencyjał praz handal enierharesursami — u pieršuju čarhu Indyi i Kitaja.
U vypadku zryvu pieramoŭ pa Ukrainie abo parušeńniaŭ z boku Maskvy praduhledžvajecca ŭviadzieńnie pieršasnych i druhasnych sankcyj, uklučajučy 500-pracentnyja taryfy na impart z krain, što praciahvajuć kuplać rasijskija naftu, haz, uran i inšyja resursy.
Adnak 14 lipienia Tramp prapanavaŭ bolš miakkuju alternatyvu. Na pres-kanfierencyi ŭ Biełym domie jon žorstka raskrytykavaŭ Kreml, abvinavaciŭ Rasiju ŭ niežadańni vieści mirnyja pieramovy i zajaviŭ, što hłyboka rasčaravany pazicyjaj Uładzimira Pucina.
Pry hetym Tramp adznačyŭ, što kali na praciahu 50 dzion nie budzie dasiahnuta pahadnieńnie, to ZŠA ŭviaduć 100-pracentnyja taryfy na tavary z Rasii i jaje partnioraŭ.
Jak patłumačyŭ lidar respublikanskaj bolšaści ŭ Sienatie Džon Tun u kamientary vydańniu Politico, ciapier prezident moža dziejničać samastojna, užyvajučy ŭłasnuju stratehiju na asnovie taryfaŭ.
Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie
Tramp: 17 sistem Patriot adpravim va Ukrainu
«Kali ty chočaš vajny — my ŭzbroim Ukrainu, a Jeŭropa za heta zapłacić». Pradstaŭnik ZŠA pry NATA raskazaŭ pra sihnał Pucinu
«Patelefanujcie Pucinu»: Rute papiaredziŭ Kitaj, Indyju i Braziliju pra druhasnyja sankcyi
Upłyŭ Miełanii Tramp na muža byŭ niedaacenieny. Ukraina atrymała niečakanaha sajuźnika ŭ jaje asobie
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary