Prezident ZŠA ŭ aŭtorak zajaviŭ, nie ŭdajučysia ŭ padrabiaznaści, što rakiety dla zienitnych kompleksaŭ Patriot u ramkach novaha miechanizmu pastavak užo adpraŭleny va Ukrainu.
«Jany ŭžo adpraŭleny», — pierapyniŭ Tramp žurnalista, jaki pačaŭ zadavać pytańnie pra rakiety dla Patriot, piša Bi-bi-si.
«Jany iduć z Hiermanii, i potym Hiermanija ich zamienić. I va ŭsich vypadkach Złučanym Štatam usio budzie całkam apłačana. To bok, što adbyvajecca: jak vy viedajecie, Jeŭrapiejski sajuz, kali pahladzieć, u asnoŭnym Jeŭrapiejski sajuz, ale niachaj, skažam, u formie NATA — heta vielmi padobna, ale NATA ŭsio nam apłacić. U niekatorych vypadkach nam apłaciać krainy Jeŭrapiejskaha sajuza niepasredna», — praciahnuŭ Tramp.
Na pytańnie, ci nie ŭdarać pa amierykanskich spažyŭcach druhasnyja sankcyi ŭ dačynieńni da krain-pakupnikoŭ rasijskaj nafty, Tramp adkazaŭ: «Nie dumaju. Ja dumaju, usio heta sprava skončycca ŭ rešcie rešt. Mieła b skončycca. I Pucin ža kaža «ja chaču miru, ja chaču miru», ale pakul nie zrabiŭ toje, što kaža. Dyk što ja dumaju, jano skončycca. Ale my chutka pabačym».
-
Ukraina i Rasija praviali pieršy za miesiac abmien ciełami
-
«Pieravychavać, militaryzavać i rusifikavać»: Rasija stvaryła biesprecedentnuju sistemu dla vykradzienych ukrainskich dziaciej
-
Mahutny ŭdar naniesieny pa naftapierapracoŭčym zavodzie «Hazprama» ŭ Baškartastanie, za 1400 km ad ukrainskaj miažy
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary