Błohier Koršun: Svajaki palitviaźniaŭ pytajucca, jak tak atrymałasia, što Cichanoŭski vyjšaŭ, a ich dzieci i mužy praciahvajuć siadzieć
Były palitviazień zapeŭnivaje, što hetaje pytańnie «viedaje ź pieršych vusnaŭ».
Były palitviazień Siarhiej Koršun, jaki ciapier staŭ błohieram, praciahvaje refleksavać z nahody vyzvaleńnia Siarhieja Cichanoŭskaha.
Raniej jon krytykavaŭ Cichanoŭskaha za ślozy na pres-kanfierencyi i raiŭ tamu «ŭziać siabie ŭ ruki», ciapier ža ŭ čarhovym vypusku navinaŭ na svaim jutub-kanale «Nie biehły» parazvažaŭ nakont taho, čamu ŭvohule Cichanoŭski apynuŭsia na voli. Svaju dumku Koršun ahučyŭ, spasłaŭšysia na mierkavańnie «svajakoŭ palitviaźniaŭ»:
«Pra heta nie napišuć ofisnyja ŚMI, bo naŭrad ci im cikavaja dumka svajakoŭ tysiač prostych niepubličnych palitviaźniaŭ, jakija praciahvajuć siadzieć, siadzieć biez zrazumiełaj pierśpiektyvy daterminovaha vyzvaleńnia. Vy viedajecie, jakoje pytańnie jany zadajuć sabie i adno adnamu?
Jak tak atrymałasia, što adzin ź lidaraŭ pratestu 2020 hoda vyjšaŭ na volu, a našy dzieci, mužy, žonki, mamy, taty praciahvajuć siadzieć?
I na hetaje pytańnie im nichto nie adkaža.
Kab adrazu krychu źbić chvalu chiejtu — hetyja pytańni ad svajakoŭ palitviaźniaŭ ja viedaju ź pieršych vusnaŭ. Dla mianie heta vielmi blizkaja i balučaja tema, tamu ja abaviazany jaje ahučyć.
Heta nie značyć, što Siarhiej Cichanoŭski vinavaty ŭ tym, što jaho vypuścili, a inšych — nie».
Koršun nie ŭdakładniŭ, chto ž, na jaho dumku, «vinavaty» ŭ vyzvaleńni Cichanoŭskaha.
Naprykancy błohier vykazaŭ pažadańnie, kab Cichanoŭski «biez ofisnych daradcaŭ» razabraŭsia ŭ tym, što adbyvałasia apošnija piać hadoŭ.
Siarhieju Koršunu 47 hadoŭ. Jon słužyŭ u milicyi, byŭ zvolnieny z orhanaŭ u 2010-m. U 2020-m dałučyŭsia da ruchu za pieramieny, byŭ aŭtaram telehram-kanała «Armija z narodam». Byŭ aryštavany ŭ lipieni 2020 i prysudžany da 4,5 hoda źniavoleńnia. Całkam adbyŭ pakarańnie, u lipieni 2024 hoda vyjšaŭ na svabodu i nieŭzabavie źjechaŭ ź Biełarusi.
Rasčaravaŭšysia ŭ tym, što adbyvajecca ŭ emihracyjnaj palitycy, Koršun razam z błohieram Siarhiejem Piatruchinym skancentravaŭsia na źniščalnaj krytycy Ofisa Śviatłany Cichanoŭskaj i inšych demakratyčnych sił.
-
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi
-
Z 1 vieraśnia biełarusam, što jeduć u Łatviju, treba budzie zarehistravacca na śpiecyjalnym partale i zapoŭnić ankietu
-
Śpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary
Kali jany ni na što nie ŭpłyvali, chaj tak i skažuć vyjduć.