Biełaruskaja piensijanierka źniałasia ŭ klipie polskaha muzykanta ŭ vobrazie viadźmarki
Błohierka Alaksandra Chanievič, dobra viadomaja biełaruskaj aŭdytoryi, źjaviłasia ŭ novym muzyčnym klipie polskaha artysta Kolorek. Videa pad nazvaj Psyhofan vyjšła 7 maja. U im Alaksandra syhrała kałarytnuju viedźmu-šaptuchu, piša Most.
Dla 73-hadovaj Alaksandry Chanievič udzieł u muzyčnym videa staŭ pieršym padobnym dośviedam.
Biełaruska paznajomiłasia z polskim błohieram padčas sustrečy ŭ Biełastoku ŭ 2024 hodzie, a ŭ krasaviku 2025 hoda jon zaprasiŭ jaje na pieršyja zdymki dla svaich sacsietak.
— Spačatku jon prapanavaŭ mnie źniacca ŭ sacsietkach, a praź niejki čas — i ŭ svaim klipie. Za svaje 73 hady ŭ muzyčnych klipach ja jašče nie zdymałasia. Ja syhrała viadźmarku-šaptuchu. Zdymki doŭžylisia niekalki hadzin, ale ŭ finalnym varyjancie mianie vidać tolki niekalki siekund. Na zdymkach było šmat moładzi, cikavy i zusim novy dla mianie dośvied. Ja vielmi zadavolenaja, — padzialiłasia Alaksandra.
Sceny z udziełam Chanievič zdymalisia na Kavaleryjskim rynku ŭ Biełastoku — miescy, znajomym mnohim biełarusam. Raniej siudy aktyŭna jeździli za pakupkami z Hrodna, ale paśla zakryćcia pamiežnych pierachodaŭ u Kuźnicy i Babroŭnikach patok pakupnikoŭ značna skaraciŭsia.
— Ja i sama kaliści jeździła na hety rynak z Hrodna, a ciapier voś upieršyniu zdymałasia tut u klipie, — kaža Alaksandra.
Kolorek — papularny polski błohier i pačatkoviec-muzykant. Šyrokuju viadomaść atrymaŭ dziakujučy videa-kontentu pra Padlašša, dzie jon žyvie i jakoje aktyŭna prasoŭvaje jak ambasadar rehijona. Muzyčnuju karjeru pačaŭ u 2025 hodzie.
— Na rynku nas paznavali, padychodzili, fatahrafavali, častavali — asabliva Kałarka. Zaciskali. Jaho ŭ Biełastoku abažajuć, stolki ŭvahi! Sapraŭdnaja zorka, — raskazvaje Alaksandra.
Ciapier čytajuć
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»5
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary