U izrailskaj pustyni znajšli zahadkavuju piramidu, poŭnuju skarbaŭ
Archieołahi znajšli ŭ Izraili zahadkavuju piramidalnuju strukturu, uzrost jakoj składaje kala 2200 hadoŭ. Jana raźmieščanaja ŭ dalinie Nachal Zaar kala Miortvaha mora i ździviła daśledčykaŭ jak svajoj architekturaj, tak i źmieścivam. Unutry — zbroja, bronzavyja maniety, kaštoŭnaści, tkaniny i navat histaryčnyja dakumienty na papirusie, piša Daily Mail.
Pa słovach pradstaŭnika Izrailskaha ŭpraŭleńnia daŭniny (IAA), heta zbudavańnie — adna z samych uražalnych archieałahičnych znachodak, zroblenych u Iŭdziejskaj pustyni. Jana pabudavanaja ŭručnuju z abčasanych kamianioŭ, kožny błok jakich važyć sotni kiłahramaŭ.
Archieołahi miarkujuć, što piramida mahła słužyć albo vartavoj viežaj na handlovym šlachu, albo mahilnaj pabudovaj.
Znachodka datujecca epochaj Ptalamiejaŭ i Sieleŭkidaŭ — kiraŭnikoŭ, jakija kantralavali hety rehijon bolš za dva tysiačahodździ tamu. U znojdzienych bronzavych manietach jość adznaki cara Antyjocha IV, a sam abjekt, mahčyma, źjaŭlaŭsia pramiežkavaj stancyjaj dla padarožnikaŭ, jakija pieravozili sol, bitum i inšyja kaštoŭnyja ŭ toj čas resursy.
Navukoŭcy taksama znajšli ŭnikalnyja piśmovyja dakumienty, jakija, vierahodna, praljuć śviatło na žyćcio ŭ pustyni. U łahiery archieołahaŭ adznačajuć, što kožny dzień vyjaŭlajuć novyja pradmiety, uklučajučy posud, reštki mebli, zbroju i ŭpryhažeńni.
Raskopki — častka maštabnaj apieracyi, jakaja doŭžycca ŭžo vosiem hadoŭ i skiravanaja na praduchileńnie rabavańniaŭ i źniščeńnia histaryčnaj spadčyny. Śpiecyjalnyja padraździaleńni vyjavili bolš za 900 piačor uzdoŭž skał pustyni, dzie ŭžo znojdzienyja skrutki, draŭlanyja vyraby, frahmienty skury i kalekcyi maniet.
Choć piramida i nie padobnaja da jehipieckich, jaje histaryčnaja kaštoŭnaść moža być nie mienšaj. Izrailskija archieołahi praciahvajuć raskopki i čakajuć, što hałoŭnyja adkryćci ŭ ich jašče napieradzie.
Navukoŭcy zmahli vyznačyć mahčymych svajačak Jefrasińni Połackaj dziakujučy hienietyčnamu analizu
U Ispanii znajšli frahmienty kostak samaha staražytnaha ź viadomych u Zachodniaj Jeŭropie ludziej
Vialikaja Kitajskaja ściana «pastareła» na 300 hadoŭ
U Vilejskim rajonie adšukali adzinuju na Biełarusi juvielirnuju majsterniu kryvičoŭ
U Nacyjanalnym mastackim muziei prachodzić niezvyčajnaja vystaŭka
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary
Kali ŭžo kaŭčeh znojduć, što habrei ciahali pa pustuni, z chieruvimami dy skryžaliami, i zapavietami na ich ? Jaho ž nie ŭ Salamonavym chramie, ni ŭ Davidavym nie bylo, nie daniesli ... A dzie dzieli ?