Łukašenka padpisaŭ zakon ab uzajemnych harantyjach biaśpieki z Rasijaj
Alaksandr Łukašenka padpisaŭ zakon «Ab ratyfikacyi Damovy pamiž Respublikaj Biełaruś i Rasijskaj Fiederacyjaj ab harantyjach biaśpieki ŭ ramkach Sajuznaj dziaržavy», paviedamlaje pres-słužba palityka.
Adznačajecca, što ŭ damovie zamacavanyja ŭzajemnyja harantyi pa ažyćciaŭleńni nieabchodnych mier u vypadku zamachaŭ na biaśpieku Biełarusi i Rasii, a taksama «Sajuznaj dziaržavy» ŭ cełym.
«Vykanańnie abaviazacielstvaŭ praduhledžvaje kalektyŭnaje supraćdziejańnie adnabakovym abmiežavalnym mieram ekanamičnaha i inšaha charaktaru, vykarystańnie bakami patencyjału svaich adnosin ź inšymi dziaržavami i inšymi subjektami mižnarodnaha prava dla praduchileńnia zamachaŭ na biaśpieku, pryniaćcie mier u adkaz nie tolki na ŭčynienyja akty ahresii, ale i na pahrozy ich ździajśnieńnia, a taksama nieadkładnaje akazańnie nieabchodnaj vajskovaj, vajskova-techničnaj i inšaj dapamohi», — havorycca ŭ paviedamleńni.
Damova była padpisanaja Łukašenkam i Pucinym u śniežni 2024 hoda. Jana praduhledžvaje raźmiaščeńnie rasijskich vajskovych abjektaŭ na terytoryi Biełarusi. Taksama ŭ joj utrymlivajucca pałažeńni ab prymianieńni jadziernaj zbroi.
28 lutaha anałahičny zakon ab ratyfikacyi damovy padpisaŭ prezident Rasii Uładzimir Pucin.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary