Stała viadoma, što za damovu ŭčora padpisali Łukašenka z Pucinym
6 śniežnia ŭ Minsku adbyłosia pasiadžeńnie «Vyšejšaha Dziaržaŭnaha savieta Sajuznaj dziaržavy». Padčas hetaha mierapryjemstva, jak zajaŭlałasia, Łukašenka i Pucin padpisali dvuchbakovuju damovu «Ab harantyjach biaśpieki ŭ ramkach Sajuznaj dziaržavy». Jaje tekst pakul nie publikavaŭsia, ale arhanizacyja «Biełpoł» śćviardžaje, što atrymała da jaho dostup.
«Biełpoł» pakul nie publikuje ŭsiu damovu, kab nie stvaryć niebiaśpieki dla krynicy, ale śćviardžaje, što jaje pałažeńni padobnyja da ŭmoŭ Damovy ab usioachopnym stratehičnym partniorstvie, padpisanaj pamiž Rasijaj i KNDR.
Sam dakumient pa abjomie nievialiki, u im usiaho 9 artykułaŭ, ale źmiaščaje vielmi važnyja momanty.
Hałoŭny sens asnoŭnaj častki damovy — u vypadku «pahrozy suvierenitetu, terytaryjalnaj cełasnaści, źniešniaj miažy Sajuznaj dziaržavy, kanstytucyjnamu ładu RF i RB z boku trecich dziaržaŭ, ich abjadnańniaŭ, terarystyčnych i ekstremisckich arhanizacyj i hrup» jaje ŭdzielniki pavinny nieadkładna akazać adzin adnamu vajskovuju, vajskova-techničnuju i inšuju dapamohu i vykarystoŭvać najaŭnyja ŭ ich rasparadžeńni «usie siły i srodki».
Takim čynam, jak ličyć «Biełpoł», z ulikam viadzieńnia bajavych dziejańniaŭ pamiž Rasijaj i Ukrainaj stvoranyja pravavyja ŭmovy dla adpraŭki hramadzian Biełarusi na hetuju vajnu «dla abarony terytaryjalnaj cełasnaści RF i źniešnich miežaŭ Sajuznaj dziaržavy».
U svaju čarhu, Rasija zmoža ŭvodzić svaje vojski ŭ Biełaruś dla abarony režymu Łukašenki, kali nad im naviśnie pahroza.
Taksama damova dazvalaje Rasii stvarać na terytoryi Biełarusi dadatkovyja vajskovyja bazy i raźmiaščać vajskovyja kantynhienty «dla adbićcia zamiežnaj ahresii».
Jość u damovie i błok, pryśviečany jadziernaj zbroi, u tym liku, raźmieščanaj na terytoryi Biełarusi. Hetaja zbroja ŭsiudy vyrazna nazyvajecca «jadziernaj zbrojaj Rasijskaj Fiederacyi», tamu pra kantrol nad joj Łukašenki, što b ni raskazvaŭ dziaržaŭny sakratar Rady biaśpieki Alaksandr Valfovič, havorki nie viadziecca. Umovy prymianieńnia rasijskaj jadziernaj zbroi apisanyja koratka i adpaviadajuć pałažeńniam jadziernaj daktryny RF.
Damova zaklučanaja na 10 hadoŭ z aŭtamatyčnym praciahvańniem jaje dziejańnia na nastupnyja 10-hadovyja terminy.
U Hienštabie prakamientavali rašeńnie ab raźmiaščeńni ŭ Biełarusi «Arešnika»
«Arešnik» dla Biełarusi. Kudy Łukašenka ŭciahvaje krainu
Ministr finansaŭ Sielivierstaŭ pra «Arešnik» u Biełarusi: Moža, Zachad zdymie sankcyi adrazu
Łukašenka paprasiŭ Pucina raźmiaścić u Biełarusi «Arešnik»
Ryžankoŭ: Łukašenka nie žartavaŭ pra placoŭki dla «Arešnika» ŭ Biełarusi
Valfovič: U Łukašenki jość svoj jadzierny čamadančyk i čyrvonaja knopka
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary