Ministr finansaŭ Sielivierstaŭ pra «Arešnik» u Biełarusi: Moža, Zachad zdymie sankcyi adrazu
Biełaruskija ministry havorać, što buduć radyja rasijskim rakietam u Biełarusi.
Alaksandr Łukašenka siońnia paprasiŭ va Uładzimira Pucina raźmiaścić u Biełarusi rakiety «Arešnik». Toj pahadziŭsia pastavić zbroju ŭ druhoj pałovie 2025 hoda.
Hetuju navinu z radaściu ŭspryniaŭ ministr zamiežnych spraŭ Biełarusi Maksim Ryžankoŭ: jon ličyć, što heta arhumient u pieramovach z Zachadam.
Karespandent rasijskaha kanała Shot złaviŭ u kułuarach Ryžankova i ministra finansaŭ Biełarusi Juryj Sielivierstava. U pieršaha jon spytaŭ, ci ŭviaduć suprać Biełarusi sankcyi praz «Arešnik».
«Užo stolki sankcyj uviali, što ŭžo nie viedaju, na što sankcyi ŭvodzić», — adkazaŭ Ryžankoŭ. I dadaŭ, što ciapier jamu i ŭsim u Biełarusi budzie lahčej vieści pieramovy z partniorami.
A Sielivierstaŭ, jaki išoŭ pobač, i ŭvohule zrabiŭ śmiełuju zajavu.
«Moža, zdymuć sankcyi adrazu», — vykazaŭ mierkavańnie ministr finansaŭ.
Siońnia Łukašenka i Pucin padpisali pahadnieńnie ab uzajemnych harantyjach biaśpieki, jakoje ŭ tym liku praduhledžvaje abmien uzbrajeńniami. Pa słovach Pucina, «Arešnik», jaki źbirajucca raźmiaścić u Biełarusi, budzie zastavacca ŭ padparadkavańni Vajskova-kaśmičnych sił Rasii, ale vyznačać celi dla rakiet nibyta budzie tolki Minsk.
Łukašenka paprasiŭ Pucina raźmiaścić u Biełarusi «Arešnik»
Ryžankoŭ: Łukašenka nie žartavaŭ pra placoŭki dla «Arešnika» ŭ Biełarusi
Łaŭroŭ: Rasija spadziajecca, što sihnał ZŠA pa «Arešniku» byŭ uspryniaty surjozna
«Šuhanuć Bierlin dy inšych jeŭrapiejcaŭ». Pucinski «Arešnik» moža być tolki zrežysiravanym šou
Kamientary