Navukoŭcy ŭpieršyniu źniali na VIDEA pry dzionnym śviatle žyvoha marskoha čorta
Kala bierahoŭ ispanskaha vostrava Teneryfie navukoŭcy zaŭvažyli rybu-vudzilščyka (Melanocetus johnsonii), za svoj zastrašalny vyhlad prazvanuju marskim čortam. Pra heta paviedamiła ekałahičnaja arhanizacyja Condrik Tenerife.
U arhanizacyi zajavili, što hety vypadak moža stać pieršym u śviecie dakumientalna paćvierdžanym nazirańniem žyvoha darosłaha Melanocetus johnsonii u dzionny čas. Raniej atrymlivałasia ŭbačyć tolki zahinułych asobin abo rybu na stadyi ličynki.
Čamu marski čort padniaŭsia na pavierchniu, pakul nie viadoma. Heta mahło adbycca z-za padvodnych płyniaŭ, napadu drapiežnika abo chvaroby.
Čorny vudzilščyk Džonsana — drapiežnaja rybina, jakaja žyvie na vialikich hłybiniach. Jana paluje, pryciahvajučy zdabyču z dapamohaj «vudy», jakaja śviecicca na hałavie. Za śviačeńnie adkazvajuć bakteryi, jakija žyvuć na rybie.
Marski čort jeść drobnych rakaŭ i ryb, pry hetym jahony straŭnik moža raściahvacca, kab prahłynuć zdabyču, što pieravyšaje jahony pamier.
Kamientary