Andžej Duda, jaki niadaŭna pakinuŭ prezidenckuju pasadu, staŭ viadučym papularnaha polskaha jutub-kanała Kanał Zero. Pra heta paviedamiŭ stvaralnik prajekta Kšyštaf Stanoŭski, jaki taksama ŭdzielničaŭ u vybarach prezidenta Polščy ŭ 2025 hodzie.
«Ź nieprychavanym zadavalnieńniem ja mahu abviaścić, što ŭ kanała Zero źjaviŭsia novy aŭtar. Prezident Andžej Duda zapisvaje 16 rolikaŭ na 16 haračych tem. Dziasiatki surazmoŭcaŭ, zdymki, situacyi. Uspaminy i pohlad na biahučyja pytańni», — napisaŭ Stanoŭski ŭ sacsietcy X.
Pieršy vypusk pakažuć 15 vieraśnia.
Kanał Zero źjaviŭsia ŭ 2024 hodzie i ciapier maje bolš za dva miljony padpisčykaŭ. Pieršaje intervju kanału ŭ svoj čas daŭ Andžej Duda, kali jašče byŭ na pasadzie.
Pakinuŭšy prezidencki pałac, Duda razam z žonkaj Ahataj pierajechaŭ u Krakaŭ, dzie siamja nabyła kvateru.
Były kiraŭnik dziaržavy atrymlivaje ŭ Polščy šerah pryvilejaŭ: tak zvanuju «prezidenckuju piensiju» ŭ 11—12 tysiač złotych (kala 2,7—3 tysiačy dalaraŭ), a dadatkova jašče kala 12 tysiač złotych štomiesiac na ŭtrymańnie ofisa, pažyćciovuju achovu i miedabsłuhoŭvańnie, a taksama prava karystacca dziaržaŭnym limuzinam. Akramia hetaha, byłomu prezidentu naležyć trochmiesiačnaja vychadnaja dapamoha.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2020
Kamientary