Jak vyhladali biełaruskija sielebrycis na školnych liniejkach svaich dziaciej FOTY

Radasnymi fotazdymkami pieršaha školnaha dnia svajho syna Macieja padzialilisia salisty hurta Naviband Arciom Łukjanienka i Ksienija Žuk. Jany zapisali ahulnaje videa, u jakim pažadali dzieciam imknucca da viedaŭ, ciarplivaści i, jak dadaŭ Maciej, jaki pajšoŭ u pieršy kłas, «dobra navučycca».

Pavialičyć

U biahuchi Maryny Arzamasavaj sioleta ŭ siamji dźvie školnicy. Małodšaja Nasta pajšła ŭ pieršy kłas, a starejšaja Saša ŭžo ŭ dziasiaty. «I radasna, i sumna, što tak chutka rastuć dzietki», — napisała Maryna ŭ instahramie.

Pavialičyć

Śpiavačka Łarysa Hrybalova padzialiłasia videa sa śviatočnaj liniejki dački. Dzieci na videa machajuć papiarovymi ściažkami «Bukiet dabryni» — heta značyć, u kłasie vyrašyli nabyć adzin ahulny bukiet dla kłasnaj kiraŭnicy, a astatnija hrošy (tyja, jakija b kožnaja siamja mahła patracić na kvietki asabista ad siabie) pieraviali na dabračynnaść.

Pavialičyć

Pieršakłaśnica padrasła ŭ Volhi Barabanščykavaj. Vučycca dziaŭčynka budzie ŭ adnoj ź niešmatlikich ciapier u Biełarusi pryvatnych škoł.

Pavialičyć

Alimpijskaja miedalistka-bajdaračnica Maryna Litvinčuk pachvaliłasia, što jaje syn pajšoŭ u pieršy kłas u Mazyry. 

Pavialičyć

Były futbalist Alaksandr Hleb razam z žonkaj-błohierkaj Śviatłanaj advioŭ starejšuju dačku Sašu ŭ druhi kłas. Małodšaja Aryna jašče chodzić u sadok, ale, jak kaža mama, va ŭsim choča być padobnaj da siastry — tamu i joj nabyli anałahičny čorny sarafan dy biełuju błuzku i navat zaplečnik.

Pavialičyć

Radavałasia Dniu viedaŭ i jašče adna futbolna-błohierskaja siamja. Aleh Vieraciła razam z žonkaj Karynaj advioŭ u škołu dačku Vieraniku. Karyna žartavała, što pračnucca lohka a siomaj ranicy atrymałasia tolki ŭ školnicy.

Pavialičyć

Znakamitaja błohierka i dyjetołah Iryna Jabłonskaja raspaviała padpisčykam, što jaje dačka-pieršakłaśśnica pračnułasia 1 vieraśnia i razbudziła baćkoŭ — bo para ž u škołu. Zosia adkryvała śviatočnuju liniejku i śpiavała pieśniu: «Pramieńčyk soniejka». Sama Iryna kaža, što najbolš składanym u žyćci maci pieršakłaśnicy joj pakul padajucca rannija padjomy.

Pavialičyć

Pieršakłaśnikam sioleta staŭ starejšy syn šoŭmiena Dźmitryja Kachno Płaton — vučycca chłopiec budzie ŭ Maskvie. Ale ž na śviatočnuju liniejku jaho paviali mama Nadzieja i małodšaja siastra Aŭrora — tata palacieŭ na mierapryjemstva ŭ Nicu. Padpisčyki pacikavilisia ŭ Dźmitryja ŭ instahramie, ci nie sumuje jon, što prapuściŭ toj samy «pieršy raz u pieršy kłas». Šoŭmien pryznaŭsia, što vielmi sumuje: «Ale heta tamu, što ja — bałda. Zabyŭsia, što z hetaha hoda 1 vieraśnia ŭ nas — važny dzień. I, nie padumaŭšy, uziaŭ prajekt».

• 1
• 5
• 3
• 16
• 0
• 0
• 0
• 1