Hiensak NATA: Ekanomika Rasii nie bolšaja za ekanomiku Techasa, nie treba bajacca
Hienieralny sakratar NATA Mark Rute na abaronnym samicie Mižnarodnaha instytuta stratehičnych daśledavańniaŭ (IISS) u Prazie zajaviŭ, što nie varta ŭsprymać prezidenta Rasii Uładzimira Pucina «zanadta surjozna». Pavodle jaho, ekanomika Rasii «nie bolšaja za Techas», a Pucin — prosta «hubiernatar Techasa».
Jon zaklikaŭ nie pieraaceńvać mahutnaść Rasii i nie nadavać Pucinu zvyšnaturalnaha statusu.
«Nam treba spynić rabić Pucina mahutnym — jon hubiernatar Techasa, nie bolš. Davajcie nie budziem usprymać jaho zanadta surjozna», — cytuje Rute Politico.
Pavodle danych Rasstatu, VUP Rasii ŭ 2024 hodzie skłaŭ kala $1,978 tryljona. Ekanomika ž Techasa pa danych Biuro ekanamičnaha analizu ZŠA, dasiahnuła $2,709 tryljona, to-bok była na 37% bolšaj za rasijskuju. Pry hetym Techas u hod vyras na 4,9%, a Rasija — na 4,3%.
Techas — druhi pa vieličyni ekanamičny štat ZŠA paśla Kalifornii, čyj VUP u $4,103 tryljona amal udvaja pieravyšaje VUP Rasii i apiaredžvaje ekanomiki Japonii, Indyi i Vialikabrytanii.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary