Pa biełaruskich škołach razasłali listy ad imia MUS, što rasijskija vajskoŭcy hvałciać niepaŭnaletnich. Kažuć, što heta fejk
3 vieraśnia niekatoryja biełaruskija škoły atrymaŭ listy, razasłanyja nibyta ad imia Ministerstva ŭnutranych spraŭ. U hetych paviedamleńniach śćviardžałasia, što rasijskija vajskoŭcy ździajśniajuć złačynstvy suprać niepaŭnaletnich.
U MUS Biełarusi padkreślili, što heta padrobka, meta jakoj — «dyskredytavać dziaržaŭnyja orhany i pasiejać paniku ŭ hramadstvie».
Viedamstva apublikavała videa z prykładami takich listoŭ: jany byli aformlenyja na błankach, padobnych da aficyjnych, i ŭ ich śćviardžałasia, što napiaredadni vučeńniaŭ «Zachad-2025» adbyŭsia «ŭsplosk seksualnaha hvałtu» z boku rasijskich vajskoŭcaŭ.
U MUS zajavili, što nivodnaha takoha vypadku nie zafiksavana, i zaklikali daviarać tolki aficyjnym krynicam. Taksama tam nahadali, što adkryćcio padazronych fajłaŭ i pierachod pa sumnieŭnych spasyłkach moža pryvieści da straty dostupu da sacsietak ci zaražeńnia kampjutara škodnymi prahramami.
Taksama śledčyja zaviali pa hetym epizodzie kryminalnuju spravu, paviedamlaje pres-słužba MUS.
Kamientary