Siamji Marharyty Laŭčuk admovili ŭ kredycie na žyllo ŭ Kijevie z-za taho, što jana biełaruska
Pavodle jaje słoŭ, pryčynaj stała jaje pachodžańnie. Pra heta śpiavačka raspaviała ŭ Threads.
«Nam nie dali kredyt na žyllo ŭ Kijevie, chacia moj muž ukrainski vajskoviec, vieteran vajny, jaki vajuje piaty hod i byŭ ciažka paranieny. A nie dali, tamu što žonka jahonaja, to bok ja, biełaruska ź biełaruskim pašpartam. I pofih, jakaja ty biełaruska i što ty zrabiła dla Ukrainy i dla taho, kab Biełaruś była volnaj ad režymu Łukašenki. Kryŭdna, miakka kažučy», — napisała opiernaja śpiavačka Marharyta Laŭčuk.
«I bolš za ŭsio kryŭdna za muža, jaki žyćcio za svaju krainu hatovy addać i šmat užo razoŭ było nie addaŭ, a jamu tyja, chto ni razu ŭ akopach nie siadzieŭ, admaŭlajuć u tym, što jahonaj siamji bolš za ŭsio zaraz patrebna — u svaim kucie. Hańba i soram. Kali ŭžo ŭkraincy zrazumiejuć, što biełarusy nie jość Łukašenka, asabliva tyja biełarusy, chto jak i ŭkraincy zaraz, žyvuć va Ukrainie padčas vajny i vajujuć na baku Ukrainy?» — dadała jana.
U Biełarusi na Marharytu zaviedziena niekalki kryminalnych spraŭ, jana ź leta 2020 hoda žyła ŭ Vilni. U červieni 2024 hoda Marharytu ŭžo asudzili za «ŭdzieł u ekstremisckim farmavańni «Rudabielskaja pakazucha» (č. 1 art. 361‑1 KK) i ździajśnieńnie ŭ jaho składzie šerahu inšych złačynstvaŭ». Tady jana była zavočna asudžanaja da terminu ad šaści da vaśmi hadoŭ pazbaŭleńnia voli sa štrafam ad 500 bazavych vieličyniaŭ da 800 bazavych vieličyniaŭ. Dakładny termin nie paviedamlaŭsia.
Potym jana pierabrałasia va Ukrainu, dzie ŭziała šlub z Rusłanam Karnijkam, jaki vajuje na froncie. U 2024 hodzie ŭ pary naradziłasia dzicia. Chłopčyka nazvali Maksim.
-
U škołach i dziciačych sadach dazvolać vykarystoŭvać elektraabahravalniki
-
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii
-
Sajuz palakaŭ u Biełarusi adnaŭlaje mahiłu polskaha hienierała pad Hrodnam FOTAFAKT
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo9
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary