U Rasii ŭ kałonii pamior palitviazień Viehan Chrystalub Božy, asudžany za krytyku isłamu i antyvajenny rolik
13 kastryčnika Viehan Chrystalub pavinien byŭ dobraachvotna adpravicca ŭ kałoniju-pasialeńnie pa spravie ab reabilitacyi nacyzmu, adnak jon vyrašyŭ pravieści antyvajennuju akcyju i vyjšaŭ z płakatam «Nie vajnie».
Učora ŭ papraŭčaj kałonii № 2 Varoniežskaj vobłaści pamior Viehan Chrystalub Božy (imia pavodle pašparta), viadomy varoniežski prapaviednik i YouTube-błohier. Pra heta jaho baćka paviedamiŭ siabram. Abstaviny śmierci pakul nie raskryvajucca, paviedamlaje SOTAvision.
«Patelefanavaŭ jaho baćka i paviedamiŭ. Pry jakich abstavinach jon pamior, jamu nie skazali, skazali, kab pryjazdžaŭ u paniadziełak pa infarmacyju.
U jaho byli napružanyja adnosiny z administracyjaj VK-2, taksama, pavodle słoŭ baćki, i ŭ kamiery ź niekatorymi sukamiernikami byli nievialikija nieparazumieńni. Tamu pakul ciažka skazać, što stała pryčynaj śmierci», — raspavioŭ SOTAvision čałaviek z asiarodździa Viehana Chrystaluba.
Chrystalub Božy byŭ asudžany na try hady pazbaŭleńnia voli pavodle artykułaŭ ab abrazie pačućciaŭ viernikaŭ i reabilitacyi nacyzmu.
13 kastryčnika 2025 hoda Viehan Chrystalub pavinien byŭ dobraachvotna adpravicca ŭ kałoniju-pasialeńnie pa spravie ab reabilitacyi nacyzmu, adnak jon vyrašyŭ pravieści antyvajennuju akcyju i vyjšaŭ z płakatam «Nie vajnie».
Jaho zatrymała palicyja. Sud pryznačyŭ jamu štraf 400 dalaraŭ pa pratakole ab «dyskredytacyi» armii za pikiet. Za niajaŭku ŭ kałoniju sud aryštavaŭ Chrystaluba na 30 sutak z nastupnym prymusovym kanvajavańniem u kałoniju. Paźniej źniavolenamu ŭzmacnili ŭmovy ŭtrymańnia da ahulnaha režymu, pieravioŭšy jaho ŭ VK-2 Varoniežskaj vobłaści.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie4
Kamientary