Zakon ab štrafach za prapahandu homaseksualnych adnosin i čajłdfry ŭstupić u siłu ŭ červieni
Dla ludziej štraf da 900 rubloŭ, dla jurydyčnych asobaŭ — da 6750 rubloŭ.
Na Nacyjanalnym pravavym internet-partale apublikavany źmieny ŭ Kodeks ab administracyjnych pravaparušeńniach.
Asnoŭnyja pałažeńni zakona ŭstupiać u siłu praz dva miesiacy paśla apublikavańnia (u siaredzinie červienia).
Jon praduhledžvaje dapaŭnieńnie Kodeksa ab administracyjnych parušeńniach šeraham novych artykułaŭ. U pryvatnaści, u zakonie źjaŭlajecca art. 19.16 «Prapahanda homaseksualnych adnosin, źmieny połu, biaździetnaści, piedafilii».
«Raspaŭsiudžvańnie ŭ luboj formie infarmacyi z metaj farmiravańnia ŭ hramadzian ujaŭleńniaŭ ab pryvabnaści homaseksualnych adnosin, źmieny połu, biaździetnaści abo ab pryznańni piedafilii dapuščalnaj — ciahnie nakładańnie štrafu da 20 bazavych vieličyń (siońnia — 900 rubloŭ — NN), na indyvidualnaha pradprymalnika — da 100 bazavych vieličyń (4500 rubloŭ), a na jurydyčnuju asobu — ad 100 da 150 bazavych vieličyń» (4500—6750 rubloŭ), — havorycca ŭ artykule.
Kali nazvanyja dziejańni pryviali da aznajamleńnia z takoj infarmacyjaj niepaŭnaletniaha, štraf składzie ad 20 da 35 bazavych vieličyń (900—1575 rubloŭ), taksama parušalniku mohuć być pryznačany hramadskija raboty abo administracyjny aryšt; dla IP štraf pavialičycca da 100—150 bazavych vieličyń, a dla jurydyčnaj asoby — da 150—200 bazavych vieličyń.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii19
Kamientary