Zaležyć ad taho, ci spoŭniłasia vam 40 hadoŭ.
Hałoŭny doktar 10‑j haradskoj kliničnaj balnicy Minska Viktar Isačkin u intervju «Biełaruś 1» raskazaŭ, jak časta treba naviedvać aftalmołaha i kolki čakajuć apieracyi pa vydaleńni katarakty.
Kali treba pravieryć zrok?
Pieršy ahlad u aftalmołaha pavinien adbycca praź miesiac paśla naradžeńnia dziciaci. Heta nieabchodna dla taho, kab vyklučyć pryrodžanyja patałohii — kataraktu, hłaŭkomu, zachvorvańni siatčatki.
Druhi raz śpiecyjalist pavinien ahledzieć dzicia ŭ hod. Na hety raz praviarajuć refrakcyju voka (zdolnaść pravilna fakusavać śviatło, kab atrymaŭsia vyrazny malunak), hladziać, ci jość blizarukaść abo dalnazorkaść.
Treci raz ahlad pravodziać u try hady — pierad tym, jak dzicia pojdzie ŭ sadok. Nastupny abaviazkovy vizit — pierad škołaj, u 6 hadoŭ. Zatym ahlady pavinny pravodzicca štohod, kab nie prapuścić raźvićcio «školnaj» blizarukaści.
Što tyčycca darosłych, to śpiecyjalist raić naviedvać aftalmołaha i vymiarać vočny cisk raz na dva hady da 40‑hadovaha ŭzrostu (kali ničoha nie turbuje), a paśla 40 hadoŭ — štohod. Kali ž u pacyjenta blizkija svajaki pakutavali na hłaŭkomu ci mieli kataraktu, to štohadovyja vizity da doktara treba pačynać užo z 35 hadoŭ.
Jakija apieracyi robiać u 10‑j balnicy?
Viktar Isačkin kaža, što śpiecyjalisty balnicy biarucca lačyć praktyčna ŭsie patałohii zroku, jakija jany mohuć dyjahnastavać.
«Viadoma, usiu patałohiju nichto ŭ śviecie nie zmoža vylečyć. Časam my sutykajemsia z vypadkami, kali čałavieku vielmi ciažka akazać dapamohu. Časam heta daloka zapuščanyja vypadki zachvorvańnia, kali adbyvajecca hibiel zrokavaha nierva, inšyja pytańni», — davodzić śpiecyjalist.
Pa słovach Isačkina, samaja raspaŭsiudžanaja patałohija ŭ darosłych — heta katarakta. U trojku lidaraŭ uvachodziać taksama mijapija i hłaŭkoma. Mienavita apošniaja najčaściej pryvodzić da ślepaty, tamu važnyja rańni dyjahnaz i svoječasovaje lačeńnie.
Pa słovach hałoŭnaha doktara, čas čakańnia płanavaj apieracyi pa vydaleńni katarakty ŭ 10‑j balnicy stalicy ciapier dva miesiacy. Častka hetaha času sychodzić na zbor analizaŭ.
Chirurh-aftalmołah raskazaŭ pra pieršyja simptomy katarakty
Navukoŭcy: Blizarukija ludzi śpiać horš, čym ludzi sa zdarovym zrokam
«Pryjdzie čas, kali ŭsio čałaviectva budzie blizarukim». Aftalmołah pra sučasnaść i budučyniu našaha zroku
Navukoŭcy znajšli sposab «pierazahruzić» voka i adnavić parušany zrok
Kamientary