Iluzija zhurtavanaści iranskaha kiraŭnictva raźviejvajecca.
Unutry režymu idzie vostraja dyskusija pra dalejšyja kroki ŭ adnosinach da ZŠA. Pavodle źviestak Iran International, u sakretnym liście da viarchoŭnaha lidara Madžtaby Chamieniei vysokapastaŭlenyja palityki zajaŭlajuć: Iran pavinien vieści z amierykancami pieramovy nakont svajoj jadziernaj prahramy, piša Bild.
Častka kiraŭnictva ličyć pieramovy nieabchodnymi dla stabilizacyi situacyi. Inšyja, naadvarot, razhladajuć navat abmierkavańnie jadziernaha pytańnia jak vidavočnaje parušeńnie «čyrvonych linij» — bo, jak śćviardžajecca, Chamieniei daŭ ustanoŭku, što heta nie pavinna abmiarkoŭvacca z Vašynhtonam.
Niekatoryja viadučyja iranskija palityki padpisali list, inšyja admovilisia.
Siarod tych, chto padpisaŭ, — prezident Masud Piezieškijan i staršynia parłamienta Machamad Bahier Halibaf.
Ich apanienty, takija jak dypłamat Ali Bahiery Kani, jak śćviardžajecca, navat metanakiravana raspaŭsiudžvali hety list.
Paralelna abvastryłasia sprečka vakoł pieramoŭ. Prychilniki žorstkaj linii abvinavačvajuć pieramoŭnuju kamandu ŭ tym, što jana śviadoma parušyła pazicyju kiraŭnictva. Niekatoryja, jak namieśnik kiraŭnika kamisii pa nacyjanalnaj biaśpiecy Machmud Nabavijan, adkryta nazyvajuć pieramovy «stratehičnaj pamyłkaj».
Pry hetym iranskaje kiraŭnictva sprabuje schavać unutrany kanflikt. Niekalki vysokapastaŭlenych palitykaŭ raspaŭsiudzili amal identyčnyja zajavy. Halibaf skazaŭ: «U Iranie niama ni žorstkaj, ni ŭmieranaj linii. My ŭsie irancy i revalucyjaniery». Prezident Piezieškijan taksama padkreśliŭ adzinstva padobnymi słovami.
Adnak mienavita hetaja demanstratyŭnaja zhurtavanaść ciapier vyhladaje niapierakanaŭča. Pierachopleny list pakazvaje: za kulisami razhortvajecca fundamientalny kanflikt.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju12
Kamientary