Teraryst u Kijevie zabiŭ šeść čałaviek i zabarykadavaŭsia ŭ supiermarkiecie. Jaho zastrelili padčas šturmu
Śpiecnazaŭcy Korpusu apieratyŭnych raptoŭnych dziejańniaŭ (KARD) Nacyjanalnaj palicyi Ukrainy praviali šturm supiermarkieta, dzie znachodziŭsia strałok, jaki ŭziaŭ ludziej u zakładniki. Jon akazaŭ supraciŭ i byŭ zabity, paviedamiŭ Ministr unutranych spraŭ Ukrainy Ihar Klimienka.
Mužčyna zachapiŭ u zakładniki ludziej i stralaŭ u palicejskich padčas sproby jaho zatrymańnia. Pierad hetym ź im sprabavali źviazacca pieramoŭščyki. Sproby praciahvalisia 40 chvilin, ale na kantakt strałok nie pajšoŭ.
Pa infarmacyi «Ukrainskaj praŭdy», strałka zavuć Dźmitryj Vasilčankaŭ, data naradžeńnia — 21 krasavika 1968 hoda. Jon naradziŭsia ŭ Maskvie, mieŭ hramadzianstva Ukrainy. Raniej žyŭ u Bachmucie Danieckaj vobłaści, paśla — u Hałasiejeŭskim rajonie Kijeva.
Źjaviłasia i fota zbroi, jakoj karystaŭsia napadnik. Pišuć, što heta — narazny paŭaŭtamatyčny karabin KelTec SUB2000, jaki składajecca ŭdvaja i źjaŭlajecca lehalnaj zbrojaj.
Jak paviedamlaje «Ukrainskaja praŭda», u vyniku stralaniny zahinuła 5 čałaviek: 4 na vulicy, padčas ruchu strałka ad žyłoha doma da kramy, i 1 čałaviek užo ŭ kramie, ź liku zakładnikaŭ.
Adnosna kolkaści zabitych u vysokich čynoŭnikaŭ uźnikali roznahałośsi. Hienieralny prakuror Ukrainy Rusłan Kraŭčanka nazyvaje ličbu 4, a prezident Uładzimir Zialenski — 5. Praŭda, paśla vyśvietliłasia, što Kraŭčanka mieŭ na ŭvazie zabitych na vulicy i da svajoj ličby nie dałučyŭ čałavieka, jaki zahinuŭ u supiermarkiecie.
Paśla kolkaść zabitych uzrasła da šaści — stała viadoma, što ŭ balnicy pamierła ciažka paranienaja 30‑hadovaja žančyna. Pra heta paviedamiŭ mer Kijeva Vital Kličko.
Jak minimum 7 čałaviek atrymali ranieńni, adno dzicia ŭ ciažkim stanie.
Mer Kijeva Vital Kličko paviedamiŭ pra 10 špitalizavanych.
Nahadajem, što dniom 18 krasavika ŭ Hałasiejeŭskim rajonie Kijeva mužčyna adkryŭ stralaninu pa ludziach, a paśla zakryŭsia ŭ supiermarkiecie «Viełmart», uziaŭšy zakładnikaŭ.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary
- Eto mnohoje objaśniajet.