Jak achova Pucina i Kim Čen Yna ledź nie pabiłasia z-za rehuliroŭki kandycyjaniera
3 vieraśnia ŭ Piekinie Uładzimir Pucin sustreŭsia ź lidaram KNDR Kim Čen Ynam. Śpiecyjalny karespandent «Kommiersanta» Andrej Kaleśnikaŭ piša, što heta adbyłosia «niečakana», i ŭ časie chutkaj padrychtoŭki da pryjezdu načalnikaŭ ich słužby achovy ledź nie pabilisia za tempieraturu ŭ pamiaškańni.
Andrej Kaleśnikaŭ apisvaje, jak staŭ śviedkam vyśviatleńnia adnosin pamiž supracoŭnikami śpiecsłužbaŭ.
«Karejski kaleha moŭčki raptam avałodaŭ pultam kandycyjaniera na ścianie i pačaŭ rehulavańnie tempieratury pa svaim mierkavańni. A heta ž vielmi pryncypovaje pytańnie. Jon paśpieŭ padniać jaje da +23°C, pierš čym umiašaŭsia jaho rasijski kaleha. Toj nastojvaŭ, jak ja paśpieŭ pačuć, na 20°C. Jon, zrazumieła, havaryŭ pa-rusku. Jak ni dziŭna, karejski kaleha jaho razumieŭ i pry hetym absalutna nie zdavaŭsia.
Jany niekatory čas adździrali palcy adzin adnaho ad pulta, pierš čym adnamu ź ich strymanaść źlohku źmianiła, i jon adnym rucham vyrašyŭ pytańnie na svaju karyść. Napeŭna, karejcu było krychu baluča», — apisvaje pieramohu rasijan bijohraf Pucina.
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary