Dokazaŭ rasijskaha ŭmiašańnia ŭ pasadku samalota z Ursułaj fon der Lajen na borcie nie znajšli
Kali samalot staršyni Jeŭrakamisii Ursuły fon der Lajen u hetu niadzielu zachodziŭ na pasadku ŭ bałharskim Płoŭdzivie, piłoty, pavodle źviestak ŚMI, zafiksavali prablemy z navihacyjnymi sistemami. Jak napisali ŭ Financial Times, jany byli vymušanyja karystacca papiarovymi kartami. Mierkavałasia, što heta vynik uździejańnia rasijskich srodkaŭ radyjoelektronnaj baraćby, ale ciapier bałharskija ŭłady zajavili, što heta nie tak, piša Bild.
«My atrymali ad bałharskich uładaŭ infarmacyju, što jany padazrajuć, što hetuju vidavočnuju pieraškodu vyklikała Rasija», — zajaviła adrazu paśla incydentu Jeŭrakamisija. Adnak ciapier vyśvietliłasia, što dokazaŭ rasijskaj ataki ŭsio ž niama.
Premjer-ministr Bałharyi Rasien Žalazkaŭ 4 vieraśnia zajaviŭ, što samalot staršyni Jeŭrakamisii nie pieražyŭ surjoznaha zboju, a tolki adčuŭ karotkačasovaje paharšeńnie sihnału. Takija pieraboi, pa jaho słovach, časta sustrakajucca ŭ hustanasielenych rajonach.
«Paśla pravierki bartavych zapisaŭ my ŭbačyli, što piłot nie vykazvaŭ nijakaja bojazi. Samalot kala piaci chvilin znachodziŭsia ŭ zonie čakańnia, i jakaść sihnału ŭvieś hety čas zastavałasia dobraj», — paviedamiŭ Žalazkaŭ.
Ministr transpartu Bałharyi Hrozdan Karadžaŭ paćvierdziŭ:
«Pavodle empiryčnych źviestak, radyjopierachopaŭ, zapisaŭ našych cyvilnych i vajskovych ustanoŭ, niama nivodnaha faktu, jaki paćviardžaje śćviardžeńnie, što GPS-sihnał samalota byŭ zahłušany», — skazaŭ jon telekanału bTV.
Pradstaŭnica Jeŭrakamisii Aryjana Padesta ŭskłała adkaznaść za dezynfarmacyju na bałharskija ŭłady:
«My nikoli sami nie kazali pra metanakiravanuju ataku i jasna padkreślili, što ŭ nas nie było takoj infarmacyi. My vydatna razumiejem, što z pačatku vajny va Ukrainie takija incydenty adbyvajucca pastajanna».
Ursuła fon der Lajen na biełaruskaj miažy: Kali vypraboŭvajuć Litvu, vypraboŭvajuć usiu Jeŭropu, my dapamožam
Z-za rasijskaha ŭmiašańnia samalot fon der Lajen siadaŭ u Bałharyi z vykarystańniem papiarovych kart
Ursuła fon de Lajen i Hitanas Naŭsieda ablacieli miažu Litvy i Biełarusi
Biełaruskija pamiežniki słuchali pres-kanfierencyju Ursuły fon der Lajen i Donalda Tuska
«Dosyć sastupak». Tusk i Ursuła fon der Lajen naviedali polska-biełaruskuju miažu
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary