Biełaruskija pamiežniki słuchali pres-kanfierencyju Ursuły fon der Lajen i Donalda Tuska
Na joj kazałasia pra nieabchodnaść žorstkaj palityki ŭ dačynieńni da Biełarusi i Rasii.
31 žniŭnia premjer-ministr Polščy Donald Tusk i staršynia Jeŭrapiejskaj kamisii Ursuła fon der Lajen praviali sumiesnuju pres-kanfierencyju na polska-biełaruskaj miažy ŭ Krynkach.
Na videa trapiła, jak biełaruskija pamiežniki słuchali hetu pres-kanfierencyju.
Tusk padčas vystupu na miažy kazaŭ, što nijakija sastupki, nijakaja tonkaja hulnia z Pucinym nie harantujuć biaśpieki.
«Dosyć sastupak. My pavinny być ćviordymi i dobra padrychtavanymi», — skazaŭ Tusk.
Ursuła fon der Lajen nahadała pra «cyničnyja i naŭmysnyja hibrydnyja ataki» na Polšču z boku Biełarusi i Rasii.
Jana zajaviła, što ES prapanuje novy siamihadovy biudžet z trochrazovym pavieličeńniem vydatkaŭ na achovu miežaŭ i kiravańnie mihracyjaj.
Asobna było paviedamlena, što krainy, jakija miažujuć z Rasijaj i Biełaruśsiu, atrymajuć dadatkovaje finansavańnie. Taksama Jeŭrakamisija prapanuje pavialičyć finansavańnie na mabilnaść vojska ŭ 10 razoŭ i bolš čym u 5 razoŭ abarončyja inviestycyi.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary