Polski pravy ekstremist zakachaŭsia ŭ trans-madel i vyjšaŭ z partyi
Michalina Manijos rasła chłopčykam, ale ŭsio žyćcio adčuvała siabie ŭ čužym ciele i jašče ŭ dziciačym sadku maryła być dziaŭčynkaj. U 18 hadoŭ pry padtrymcy baćkoŭ jana pačała pierachod da žanočaj identyčnaści, raspaviadaje BILD.
«Dla maich baćkoŭ ja zaŭsiody była dziaŭčynkaj», — raskazvaje madel.
Manijos zajmałasia madelnym biźniesam, zatym vyvučała šviedskuju fiłałohiju, psichałohiju i seksałohiju.
David Šostak ža razam z palityčnaj kaalicyjaj pravych palitykaŭ «Kanfiederacyja» vystupaŭ za abmiežavańnie pravoŭ ludziej, padobnych da jaje (kaalicyja ličycca kvirafobnaj). Jon bałatavaŭsia ŭ polski siejm, ale mandata nie atrymaŭ.
«Ludzi važniejšyja, čym ideałahičnyja jarłyki», — kaža siońnia Šostak.
U takich roznych ludziej usio ž znajšłasia ahulnaja rysa. Abodva šukali sapraŭdnaje kachańnie — i sustrelisia na sajcie znajomstvaŭ. Jamu spadabalisia jaje fota. Jany pačali pierapisvacca, sustrelisia i zakachalisia.
«Ništo nie pieraškadžaje nam u budučyni abviančacca. Michalina — žančyna», — skazaŭ Šostak vydańniu «Fakt».
Manijos raskazvaje: «Ja doŭha była adna, ale była ŭpeŭnienaja, što sustrenu taho samaha. I ŭ vyniku my znajšli adno adnaho».
Kab paćvierdzić svaje surjoznyja namiery, Šostak vyjšaŭ z partyi «Nacyjanalny ruch».
U Instagram-akaŭncie Michaliny para ciapier źjaŭlajecca razam: jon u džynsach siadzić na kamieni ŭ lesie i ŭśmichajecca. Nijakaj vajskovaj formy, nijakaj varožaści — tolki zakachany mužčyna.
«Z adnaho boku, ja chacieŭ dakazać, što «Kanfiederacyja» i «Nacyjanalny ruch» — heta nie radykały, a ludzi, jakija adkryta iduć da inšych. Kožny zasłuhoŭvaje indyvidualnaha staŭleńnia. Ale ja nie chacieŭ, kab majo asabistaje žyćcio ŭpłyvała na našu palityčnuju dziejnaść», — skazaŭ jon vydańniu Fakt pra svoj vychad z palityki.
Naŭrad ci, adnak, jaho pravyja tavaryšy pa partyi raptam zahavorać hetak ža libieralna. Ale Šostaka i Manijos heta nie chvaluje. Jany źbirajucca zasiarodzicca «na samym hałoŭnym» — na kachańni.
U sacsietkach Šostak ciapier padpisvajecca tak: «Katolik. Palak. Nacyjanalist». I jašče adno: «Ščaśliva zakachany».
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
[Zredahavana]