Hatujecie na śviaty dla nievialikaj kampanii? Pasprabujcie zapiečanuju hrudku indyka — heta prosty varyjant zamiest hatavańnia cełaj ptuški.
Kab zapiačy hrudku indyka, spatrebicca:
- 1 vialikaja hrudka indyka abo padvojnaja hrudka, źviazanaja ŭ rulet (kala 2 kh)
- 2 bujnyja cybuliny, narezanyja toŭstymi kolcami
- 2 bujnyja morkvy, narezanyja na 4 haryzantalnyja kavałački
- 20 h masła pakajovaj tempieratury
Jak hatavać:
1. Dastańcie hrudku indyka z chaładzilnika i dajcie joj hadzinu nahrecca da pakajovaj tempieratury.
2. Ustaŭcie rašotku ŭ siaredzinu blachi tak, kab cybula i morkva apynulisia pad rašotkaj, abo raskładzicie harodninu na haračatryvałaj patelni.
3. Uzvažcie hrudku indyka i raźličycie čas hatavańnia: 40 chvilin na kožny kiłahram plus dadatkovyja 20 chvilin.
4. Natrycie skurku hrudki masłam i dobra prypraŭcie. Pakładzicie hrudku na rašotku nad harodninaj na blasie abo prosta na harodninu ŭ patelni.
5. Nalicie ŭ formu dastatkova vady, kab pakryć harodninu, i nakryjcie formu abo patelniu folhaj, stvarajučy «namiot».
6. Zapiakajcie na praciahu raźličanaha času, zdymicie folhu za 20 chvilin da kanca hatavańnia, kab skurka padrumianiłasia. Praviercie hatoŭnaść, pratknuŭšy hrudku vastryjom naža: jana pavinna być haračaj navobmacak, a soki — prazrystymi. Kali jość termomietr, tempieratura pavinna być 65-70°C. Kali hrudka zdajecca niedahatavanaj, viarnicie jaje ŭ duchoŭku jašče na 10 chvilin.
7. Dajcie indyku adpačyć u ciopłym miescy 20 chvilin. Za hety čas jana praciahnie hatavacca, unutranaja tempieratura dasiahnie 70°C ci krychu vyšej. Nie prapuskajcie hety krok, inakš soki vyciekuć pry narezcy.
8. Pa žadańni vykarystajcie pracedžanuju harodninu i vadkaść z formy razam z sokami ad narezki indyka, kab pryhatavać padliŭku. Padavajcie indyka z harodninaj i padliŭkaj.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary