Jak i čym myć chaładzilnik? Praktyčnyja parady

Usie palicy chaładzilnika varta myć nie radziej čym raz na dva miesiacy, a lepš čaściej. Heta datyčyć i chaładzilnikaŭ ź sistemaj No Frost — chacia na ich ścienkach i nie ŭtvarajecca naledź, myć ich nieabchodna, bo i na ścienkach treba prybirać brud i bakteryi.

Kab pamyć chaładzilnik, zusim nieabaviazkova jaho razmarožvać. Treba tolki dastać usie pradukty i adklučyć ad elektryčnaści. Pradukty, darečy, možna prykryć aluminijevaj folhaj, tady jany mienš nahrejucca.

Što da samoha myćcia chaładzilnika, to ciapier vytvorcy časta vykarystoŭvajuć u madelach materyjały, jakija možna myć u pasudamyjkach. Tamu drobnyja pradmiety, płastykavyja skryni i palicy chaładzilnika časam možna prosta pamyć u mašynie na standartnym režymie.

Unutranyja častki chaładzilnikaŭ myjuć zvyčajnaj hubkaj ci anučaj. Taksama nie zabudźcie akuratna pracierci ŭščylnialnik chaładzilnika. Paśla hetaha ŭžo možna viartać na svajo miesca palicy i skryni. Tolki lepš vytrycie ich nasucha. Lišniaja syraść unutry chaładzilnika nie treba.

Fanaty ekałohii zamianiajuć bytavuju chimiju na ačyščalnyja srodki, zroblenyja z naturalnych rečyvaŭ. Naprykład,

zvyčajnaja soda dobra dezynfikuje i zabivaje ćvil. 

Prosta źmiašajcie sodu i trochi vady takim čynam, kab soda nie rastvaryłasia, i atrymałasia hustaja kašyca. Hetym srodkam možna myć unutranuju častku chaładzilnika, palicy i skryni.

A kali dadać da sodavaj kašycy niekalki kroplaŭ limonnaha ci apielsinavaha soku, u chaładzilniku jašče budzie stajać dobry pach.

Prosta naniasicie kašycu na hubku i raźmiarkujcie jaje pa ŭnutranaj častcy chaładzilnika, a potym zmyjcie ciopłaj vadoj. Možacie źmiašać kašycu sa srodkam dla myćcia posudu. A možacie prosta nasypać sodu ŭ talerku i pastavić jaje ŭ chaładzilnik na dva-try dni, i jana dobra ŭbiare ŭ siabie ŭsie pachi.

Jość jašče adzin mietad, ale jon lepš pracuje, kali vy vyrašyli razmarozić chaładzilnik. Źmiašajcie vadu i śpirtavy vocat u praporcyjach čatyry da adnaho, namačycie ŭ sumiesi anuču i pratrycie joj usie palicy. Taksama ŭ sumieś možna pakłaści na niejki čas unutranyja razbornyja častki chaładzilnika, naprykład, skryni.

Vocat zabivaje bakteryi, aśviažaje i nadaje chaładzilniku blask, tolki nie zabudźcie potym na niejki čas pakinuć jaho adkrytym, kab pach vocatu vyjšaŭ.

Narešcie, zaŭsiody možna skarystacca bytavoj chimijaj, pryznačanaj dla myćcia chaładzilnikaŭ. Tolki nie zabyvajcie dobra zmyvać hetyja srodki vadoj, bo ježa nie pavinna kantaktavać ź imi.

Čytajcie taksama:

Šmat ludziej kładuć hetyja pradukty ŭ chaładzilnik. I darma!

Nikoli nie rabicie hetaha ŭ haściach

Jak pačać pravilna charčavacca i zajmacca fitniesam? Spytali ŭ treniera

• 18
• 0
• 2
• 0
• 1
• 1
• 4
• 0