Ci časta biełaruski sutykajucca z charasmientam? Aktyvisty praviali apytańnie
Arhanizacyja «Pravavaja inicyjatyva» i aktyvistka Nasta Bazar apytali biełarusak u emihracyi datyčna pieražytaha imi charasmientu — prystavańniaŭ i seksualizavanych damahańniaŭ.
Tekst spravazdačy byŭ apublikavany na sajcie «Pravavoj inicyjatyvy».
U piśmovaj častcy daśledavańnia paŭdzielničali 39 žančyn, taksama 8 respandentak pahadzilisia na bolš hłybokija intervju.
Pavodle vynikaŭ apytańnia, 79% žančyn chacia b raz u žyćci sutykalisia z tym ci inšym vidam charasmientu. Havorka moža być, naprykład, pra niedarečnyja kamplimienty źniešnaści, žarty z seksualnym padtekstam, jakija vyklikajuć u achviary pačućcio dyskamfortu, niaŭzhodnienyja dotyki, inšyja prajavy niepažadanaj uvahi i h.d.
26,9% apytanych adznačyli, što mieli miesca niedarečnyja kamientary seksualnaha źmiestu datyčna ich samich ci ich adnosinaŭ, 19,2% žančyn raskazali pra sproby fizičnaha kantaktu bieź ich zhody (abdymki, niepažadanyja dotyki i h.d.), 17,3% — pra dakučlivuju ŭvahu da siabie. U žančyn, jakija raskazvali pra charasmient na pracy, zapytali, ci dapamahło im u takim vypadku kiraŭnictva — tolki 17% respandentak adznačyli, što byli pryniatyja efiektyŭnyja miery.
Aŭtary apytańnia adznačajuć, što ŭ emihrantak uzmacniajecca adčuvańnie ŭraźlivaści, a tyja, chto dazvalaje sabie charasmient, adčuvajuć, što ŭ ich bolš šansaŭ syści niepakaranymi za heta. Prablema taksama ŭ pravavoj biezabaronnaści emihrantak i ŭ ich finansavaj niestabilnaści, kali žančyna robicca bolš uraźlivaj i jaje lahčej vykarystać.
«Naša Niva» — bastyjon biełaruščyny
PADTRYMAĆ
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam15
Kamientary
Raniej jaho čamuś nie było… maje dzied i babka ničoha nie ŭzhadyvali pra hety charazmant i ščaślivyja byli siemji biez razvodaŭ…i dziacnj šiat było… i nie skardzilisia ht iužčyny ni žančyny…
A zaras navokał adzin charazmant…