Na najbolšaj navukovaj kanfierencyi Amieryki až 6 siekcyj było pryśviečana Biełarusi
Bostan. Upieršyniu za 56 hadoŭ praviadzieńnia kanfierencyi Asacyjacyi słavianskich, uschodniejeŭrapiejskich i jeŭrazijskich daśledavańniaŭ (ASEEES) tam stolki havaryłasia pra Biełaruś. Šeść siekcyj było pryśviečana biełaruskaj kultury i mastactvu.
Na forumie, jaki prajšoŭ 21—24 listapada, fiłosaf Taćciana Ščytcova prezientavała časopis «Topas», a dramaturh Andrej Kurejčyk raskazvaŭ pra kino i naratyvy supracivu.
Kniharnia «Hłobus» z San-Francyska pryviezła na knižny kirmaš vydańni ź Biełarusi, jakija susiedničali z knihami polskich vydaviectvaŭ.
Asablivaj padziejaj staŭ litaraturny viečar z udziełam tvorcaŭ. Raspačaŭ imprezu pierakładčyk Siarhiej Šupa, jakoha admysłova zaprasiła biełaruskaja hramada Bostana. Na viečarynie vystupili piśmieńnica ź Ńju-Jorka Taćciana Zamiroŭskaja, paetka sa Stenfarda Maryja Malinoŭskaja (viadomaja pa vieršy «Bieło-krasno-biełyj fłah») i Julija Čarnyšova ź Jelskaha ŭniviersiteta, jakaja čytała svoj aŭtafikšn pra vajnu, napisanymi ŭ Lvovie.
Ženia Mironava z Harvarda i Saša Rejzar z Kalifarnijskaha ŭniviersiteta ŭ Santa-Barbary zdoleli abjadnać biełaruskuju prahramu ŭ adziny patok. Heta pieršy vypadak, kali biełaruskaja tematyka atrymała takoje šyrokaje pradstaŭnictva na najbujniejšym forumie słavistaŭ u Paŭnočnaj Amierycy.
ASEEES, zasnavanaja ŭ 1948 hodzie, źjaŭlajecca hałoŭnaj mižnarodnaj placoŭkaj dla abmierkavańnia pytańniaŭ, źviazanych z Centralnaj Azijaj, Kaŭkazam, Rasijaj i Uschodniaj Jeŭropaj. Prykra, što ŭ amierykanskich univiersitetach dahetul niama kafiedraŭ biełarusistyki, i maładyja navukoŭcy musiać abapiracca na padtrymku dyjaspary.
«Adkryta zmahacca ź biełaruskaj movaj uładam budzie ciažka». Tak śćviardžaje amierykanski daśledčyk, jaki ŭsio žyćcio pryśviaciŭ jaje vyvučeńniu
«Biełaruś — navat nie los, nie dola, a vybar». Niamiecki słavist, jaki napisaŭ knihu pra naš 2020-y, raskazaŭ pra svaju biełaruskaść
«Na 10 miescaŭ try čałavieki». Čamu ŭ biełaruskich univiersitetach niedabor na «biełaruskuju fiłałohiju»
Ciapier čytajuć
«Mis Biełaruś» usio bolš nahadvaje konkurs pryhažości ŭ haremie20
Kamientary
Tam hałodny voŭk chacieŭ adrazu suchoha astatku.