U Aŭstralii žančynie adhryz ruku ŭłasny sabaka. Jana zmahajecca za žyćcio
Kala 07:00 pa miascovym časie ŭ piatnicu ŭ dom u prybiarežnym horadzie Taunśvile, što ŭ štacie Kvinślend, vyklikali ekstrannuju dapamohu — 34-hadovaja žančyna tam atrymała «niebiaśpiečnyja dla žyćcia traŭmy», piša Bi-bi-si.
Jaje pravaja ruka była adciataja nižej łokcia. Žančynu dastavili ŭ miascovuju balnicu, dzie jana znachodzicca ŭ ciažkim, ale stabilnym stanie. Palicyja kaža, što ŭ ich «nie było inšaha vybaru», akramia jak zabić sabaku na miescy zdareńnia.
Na pres-kanfierencyi staršy siaržant Skot Uoryk raspavioŭ, što palicyjanty, jakija prybyli na vyklik, znajšli žančynu, jakaja ściakała kryvioj, kala doma, tady jak sabaka — vierahodna, pitbul — byŭ unutry.
«Jon byŭ vielmi złym, vielmi ahresiŭnym… sprabavaŭ vybracca vonki», — skazaŭ jon.
Aficery zabarykadavali dom, a astatnija nakłali žančynie na ruku impravizavany hips i akazvali pieršuju dapamohu da prybyćcia miedykaŭ.
«Ja pracuju palicyjantam 37 hadoŭ… ja ŭpieršyniu atrymaŭ vyklik na takoje surjoznaje ranieńnie ŭ vyniku napadu sabaki, — skazaŭ siaržant Uoryk žurnalistam. — Traŭmy hetaj žančyny prosta žudasnyja, i my žadajem joj chutčej vyzdaravieć».
«U mianie jość sabaki, i bačyć taki vynik vielmi baluča, i my razumiejem, što ludzi buduć zasmučanyja… ale ŭ nas nie było inšaha vybaru», — skazaŭ siaržant.
Druhi mienšy sabaka byŭ znojdzieny cełym na miescy zdareńnia.
Dva susiedy skazali Aŭstralijskaj radyjoviaščalnaj karparacyi, što sabaka, jaki ŭkusiŭ haspadyniu, byŭ ahresiŭnym — adzin ź ich pakazaŭ im šnary ŭ miescach, dzie, pavodle jaho słoŭ, jon raniej ukusiŭ jaho.
Siaržant Uoryk skazaŭ, što ŭ palicyju mahli źviartacca z nahody sabaki raniej i dadaŭ, što jaho kamanda i miascovaja rada vyśviatlajuć detali.
Hety incydent adbyŭsia praź dzień paśla inšaha napadu sabak u Mielburnie, u vyniku jakoha žančyna była ciažka paranienaja, a try sabaki byli zastrelenyja palicyjaj.
Miascovyja ŚMI paviedamlajuć, što dva sabaki byli buldohami, a treci — pitbulem.
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary