У Аўстраліі жанчыне адгрыз руку ўласны сабака. Яна змагаецца за жыццё
Каля 07:00 па мясцовым часе ў пятніцу ў дом у прыбярэжным горадзе Таунсвіле, што ў штаце Квінсленд, выклікалі экстранную дапамогу — 34-гадовая жанчына там атрымала «небяспечныя для жыцця траўмы», піша Бі-бі-сі.
Яе правая рука была адцятая ніжэй локця. Жанчыну даставілі ў мясцовую бальніцу, дзе яна знаходзіцца ў цяжкім, але стабільным стане. Паліцыя кажа, што ў іх «не было іншага выбару», акрамя як забіць сабаку на месцы здарэння.
На прэс-канферэнцыі старшы сяржант Скот Уорык распавёў, што паліцыянты, якія прыбылі на выклік, знайшлі жанчыну, якая сцякала крывёй, каля дома, тады як сабака — верагодна, пітбуль — быў унутры.
«Ён быў вельмі злым, вельмі агрэсіўным… спрабаваў выбрацца вонкі», — сказаў ён.
Афіцэры забарыкадавалі дом, а астатнія наклалі жанчыне на руку імправізаваны гіпс і аказвалі першую дапамогу да прыбыцця медыкаў.
«Я працую паліцыянтам 37 гадоў… я ўпершыню атрымаў выклік на такое сур'ёзнае раненне ў выніку нападу сабакі, — сказаў сяржант Уорык журналістам. — Траўмы гэтай жанчыны проста жудасныя, і мы жадаем ёй хутчэй выздаравець».
«У мяне ёсць сабакі, і бачыць такі вынік вельмі балюча, і мы разумеем, што людзі будуць засмучаныя… але ў нас не было іншага выбару», — сказаў сяржант.
Другі меншы сабака быў знойдзены цэлым на месцы здарэння.
Два суседы сказалі Аўстралійскай радыёвяшчальнай карпарацыі, што сабака, які ўкусіў гаспадыню, быў агрэсіўным — адзін з іх паказаў ім шнары ў месцах, дзе, паводле яго слоў, ён раней укусіў яго.
Сяржант Уорык сказаў, што ў паліцыю маглі звяртацца з нагоды сабакі раней і дадаў, што яго каманда і мясцовая рада высвятляюць дэталі.
Гэты інцыдэнт адбыўся праз дзень пасля іншага нападу сабак у Мельбурне, у выніку якога жанчына была цяжка параненая, а тры сабакі былі застрэленыя паліцыяй.
Мясцовыя СМІ паведамляюць, што два сабакі былі бульдогамі, а трэці — пітбулем.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары