Stała viadoma dakładnaje miesca naradžeńnia dzieda Uejna Hrecki — i heta nie Hrodzienščyna, jak ličyłasia raniej
Ličyłasia, što Ciarencij Łaŭrenavič pierajechaŭ u Paŭnočnuju Amieryku z Hrodzienskaj hubierni, što paŭpłyvała na chod chakiejnaj historyi. Ale nakont hubierni, jak kažuć, jość niuans.
Dziadula napadnika NCHŁ Uejna Hrecki byŭ vychadcam vioski Ahdemier tahačasnaha Kobrynskaha pavieta Hrodzienskaj hubierni, piša Tochka.by.
Pavodle infarmacyi krynicy z archiŭnych dakumientaŭ, Ciarencij Łaŭrenavič Hrecki naradziŭsia 10 krasavika 1892 hoda (pavodle staroha stylu).
Siońnia jaho pasielišča znachodzicca ŭ Drahičynskim rajonie Bresckaj vobłaści. Heta Paleśsie.
Adpaviedny zapis znajšoŭsia ŭ mietryčnaj knizie Hutaŭskaj carkvy Kobrynskaha pavieta Hrodzienskaj hubierni za 1892 hod.
Dzied lehiendarnaha chakieista naradziŭsia ŭ siamji Łaŭrena Siamionaviča i Anastasii Ivanaŭny Hreckich. U pačatku XX stahodździa Ciarencij Łaŭrenavič Hrecki pierabraŭsia ŭ Kanadu praz Čykaha. Jon emihravaŭ z žonkaj Hannaj i synam Zinovijem. U novym zaakijanskim žyćci dziadula Uejna pačaŭ nasić imia Toni.
Nieŭzabavie jon raźvioŭsia sa svajoj žonkaj i paznajomiŭsia z Maryjaj ź Ciarnopalskaj vobłaści Ukrainy. U ich naradziŭsia syn Uołtar, jaki i staŭ baćkam budučaj lehiendy NCHŁ.
Uołtar i Ciarencij (Toni) Hrecki ŭsialak padtrymlivali pačynańni junaha Uejna i jaho zachapleńnie chakiejem. Z tych časoŭ spartsmien pravioŭ vydatnuju karjeru. Jon vystupaŭ za «Edmantan», «Łos-Andželes Kinhz», «Sent-Łuis» i «Rejndžers» u NCHŁ.
Uejn Hrecki hulaŭ u NCHŁ pamiž 1978 i 1999 hh. Za 21 hod karjery jon ustanaviŭ 61 rekord lihi.
Najvialikšym dasiahnieńniem źjaŭlajecca najbolšaja kolkaść zakinutych šajb — 894 u 1487 hulniach.
U 2010 hodzie Hrecki pabyvaŭ u Minsku, pryjechaŭšy na matč zorak KCHŁ. Tady jamu była arhanizavana sustreča ź siastroj Halinaj Sałdacienkavaj.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary