«Čarhovy ŭnučok darvaŭsia da spadčyny». Dabituju kvateru ŭ Minsku zdajuć u arendu za vialikija hrošy
«Retra-adnušku» na Hamarnika ŭłaśnik navat nie prybraŭ pierad tym, jak sfatahrafavać. Zatoje canu pastaviŭ niemałuju.
Tyktokier pad nikam minsk_kv padzialiŭsia fotazdymkami arendnaj kvatery, jakuju znajšoŭ na «Kufary». «Čarhovy ŭnučok darvaŭsia da spadčyny», — padpisaŭ jon rolik.
«Retra-adnuškaj» kvateru nazyvali samyja taktoŭnyja z kamientataraŭ. Bo nasamreč jaje ścieny daŭno nie bačyli ramontu, a savieckaja mebla, zdajecca, voś-voś razvalicca na častki. Admysłovy šarm apartamientam dadajuć haspadarskija rečy, raskidanyja paŭsiul, a taksama vielmi brudny ŭnitaz.
Očieriednoj vnučok dorvałsia do naśledstva
Ułaśnik płanavaŭ zdavać takuju kvateru ŭ arendu za 1000 rubloŭ (kala 320 dalaraŭ) na miesiac.
Prapanova tak aburyła błohiera, što jon pacikaviŭsia ŭ arendadaŭcy: «Heta vy budziecie płacić 1000 rubloŭ, kab tut žyli ludzi?»
Jak aŭtar roliku potym udakładniŭ u kamientaryjach, adkaz na pytańnie jon nie atrymaŭ. Ułaśnik kvatery ŭ chutkim časie vydaliŭ svaju abjavu — ci znajšoŭ niepieraborlivaha arandatara z hrašyma, ci rašyŭ spačatku zrabić ramont (ci chacia b prybracca).
Videa nabrała kala 385 tysiač prahladaŭ i 11 tysiač łajkaŭ. Kamientatary žartavali, što ŭłaśnik zabyŭ paznačyć u apisańni, što nie puścić u svoj pałac ludziej ź dziećmi ci chatnimi hadavancami. «Što vam nie padabajecca? Vintaž ža», — napisaŭ jašče adzin karystalnik tyktoku.
Niechta padzialiŭsia svaim bolem: «Ciapier z baćkami šukajem mnie kvateru na čas vučoby. Dyk ceny ciapier ad 300 dalaraŭ z žudasnym ramontam, čaściakom naohuł pustyja, i plus u rajonie bieź mietro», «I za takuju canu mienavita takija kvatery. Chočaš narmalna — budzie ŭ 2 razy daražej».
Byli i tyja, chto zastupiŭsia za ŭłaśnika i napisaŭ, što toj maje prava zdavać nieruchomaść za toj košt, jaki choča, a niezadavolenym treba ci šukać inšy varyjant, ci nabyć svaju kvateru.
«Ja b lepš spytaŭ, na što raźličvajuć ludzi, jakija pryjazdžajuć u Minsk: vy chočacie za 350 dalaraŭ kvateru z narmalnym dyzajnam? Moža, jašče i trochpakajoŭku? Tolki narmalnyja adnapakajoŭki za takija hrošy, astatniaje daražejšaje na paradak», — aburyŭsia adzin z kamientataraŭ.
Źjavilisia i prapanovy skłaści pietycyju, kab košt arendy žylla pačali rehulavać, jak ceny na niekatoryja tavary ŭ kramach.
Cana za kvadratny mietr u Minsku — rekordnaja za apošnija 9 hadoŭ
Padatki na kvateru, ziamlu, aŭto — dla ŭsiaho ciapier adziny majomasny płaciež. Voś što treba viedać
Jakija kvatery i pa jakich cenach ciapier pradajuć u Novaj Baravoj?
«Au! Kudy vy źnikli?» Jak minčanka pierajhrała kvaternych afierystaŭ
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary