ZŠA ŭvodziać novyja sankcyi suprać režymu ŭ Biełarusi. Pad ich trapili hruzavyja avijakampanii Biełkanta i RADA Airlines.
Siarod inšych u sankcyjnyja śpisy ZŠA ŭniesieny Boeing 767-300 z rehistracyjnym numaram EW-001PB, zaŭvažyŭ «MotolkoPomohi». Takim čynam, pad sankcyjami ZŠA ciapier znachodzicca ŭvieś avijapark, jaki vykarystoŭvaje Łukašenka.
Traplańnie mašyny pad sankcyi moža mieć tyja vyniki, što ŭ jaje ŭładalnika źjaviacca prablemy z naležnym jaje absłuhoŭvańniem. Prynamsi niekatoryja partniory mohuć ad hetaha admaŭlacca, bajučysia trapić pad druhasnyja sankcyi ZŠA.
Palityk Pavieł Łatuška tłumačyć, što bort Łukašenki nie zmoža absłuhoŭvacca ni ŭ adnym z aŭtaryzavanych servisaŭ Boeing. Ale ŭ ES Łukašenka sam nie lataje, a ci zmohuć jaho samalot pryniać u Kazachstanie ci Turcyi?
«Tearetyčna mohuć, ale toj, chto budzie absłuhoŭvać, maje ryzyku trapić pad druhasnyja sankcyi ZŠA, kali pra heta stanie viadoma», — kaža Łatuška.
Usiaho viadoma, što pad novyja sankcyi ZŠA trapili 19 fizičnych i 14 jurydyčnych asob, źviazanych z režymam u Biełarusi.
Pravaabaroncy: Pad novyja sankcyi Vialikabrytanii trapili načalniki kałonij, jakija asabista akazvali cisk i źbivali palitviaźniaŭ
Ci mohuć demakratyčnyja siły vyzvalić palitviaźniaŭ praz svaju dyskredytacyju? Heta iluzija
Rasijski aliharch Dzierypaska nazvaŭ vajnu suprać Ukrainy varjactvam i zaklikaŭ da nieadkładnaha spynieńnia ahniu
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie9
Kamientary
Praz kosmas ŭ Laksutaŭku !