Ježa11

Sendvičy z zapiečanymi bakłažanami i čyrvonym piercam, kazinym syram, časnakom i bazilikam

Dva hieroi žniŭnia — bakłažany i pierac — mnohim zdajucca nie samastojnymi praduktami, jakija patrabujuć składanaha «azdableńnia». Ale, mahčyma, i nie takoha składanaha. Abodva vydatna prajaŭlajuć siabie ŭ zapiečanym vyhladzie. Letnija sendvičy z zapiečanymi bakłažanami i piercam na lohkaj čyjabacie — idealny pierakus, jaki prydasca ŭ šmatlikich vypadkach.

Grilled eggplant red pepper sandwiches
Fota: mariamakes.com

Kab pryhatavać sendvičy z zapiečanymi bakłažanami, piercam i syram, spatrebicca:

  • 4 celnieziernievyja bułački dla sendvičaŭ, čyjabata abo luby inšy chleb na vaš vybar
  • 2 siarednija bakłažany, narezanyja łustačkami (4-5 łustačak na sendvič)
  • 2 čyrvonyja bałharskija piercy
  • 2 zubki časnaku
  • 1-2 st. ł. aliŭkavaha aleju
  • 1-2 st. ł. balzamičnaha vocatu

Dla sumiesi z kazinaha syru z časnakom i bazilikam (kali kaziny syr vam nie da spadoby, hł. alternatyŭnuju instrukcyju nižej, jak pryhatavać uźbity syr fieta z časnakom i bazilikam):

  • 120 h kazinaha syru
  • 2 st. ł. śviežaha baziliku,
  • 1 st. ł. aliŭkavaha aleju,
  • 1 zdrobnieny zubčyk časnaku
Grilled eggplant red pepper sandwiches
Fota: mariamakes.com

Jak hatavać:

  1. Narežcie bakłažany toŭstymi łustačkami. Zrežcie bakavyja častki piercaŭ, kab atrymałasia 6-8 «płaścin» čyrvonaha piercu. Zdrabnicie 3 zubki časnaku — tracinu časnaku adkładzicie i pakińcie dla syrnaj sumiesi.
  2. Dadajcie łustački bakłažana i piercu ŭ vialikuju misku. Pasypcie časnakom (prykładna 2 zubki), apyrskajcie aliŭkavym alejem i balzamičnym vocatam i chutka pieramiašajcie. Źlohku prypraŭcie sollu i piercam. Pakińcie ich, kab jany pramarynavalisia, pakul vy razahravajecie hryl da siarednie-vysokaj tempieratury. Parada: vam treba pracavać chutka, bo bakłažany vielmi chutka ŭbirajuć alej i vocat, i vam treba, kab jany pryhatavalisia raŭnamierna.
  3. Składzicie papiarovy ručnik paru razoŭ i vyšmarujcie składzieny kraj aliŭkavym alejem. Paśla taho, jak hryl papiarednie nahrejecca, vykarystoŭvajcie ščypcy dla hrylu i papiarovy ručnik z aliŭkavym alejem, kab vyšmaravać rašotku hrylu.
  4. Vykładzicie łustački bakłažana i piercu na hryl. Hatujcie bakłažany pa 3-4 chviliny z kožnaha boku abo da miakkaści, ale nie da kašapadobnaha stanu! Piercy piačycie pa 6-8 chvilin z kožnaha boku abo da miakkaści. I sačycie: jany chutka padharajuć.
  5. Pakładzicie chleb/bułački taksama na hryl i absmažcie pa 1 chvilinie z kožnaha boku, kab jany źlohku padrumianilisia.
  6. Kab pryhatavać kaziny syr z časnakom i bazilikam, pakładzicie prykładna 120 h raźmiakčanaha kazinaha syru ŭ nievialikuju misku. Dadajcie ŭ syr prykładna 2 st.ł. siečanaha śviežaha baziliku i časnok (1 zubčyk, zdrobnieny). Apyrskajcie nievialikaj kolkaściu aliŭkavaha aleju i pieramiašajcie ŭsie łyžkaj da adnastajnaj masy.
  7. Kali pierac trochi astynie, narežcie jaho tonkimi łustačkami.
  8. Kab zrabić sendvičy, namažcie chleb sumieśsiu z kazinaha syru. Dadajcie 4-5 łustačak smažanaha bakłažanu, zatym źvierchu pakładziecie narezany pierac. Źvierchu vykładzicie vierchniuju bułačku dla sendvičaŭ i atrymlivajcie asałodu!

Hetyja sendvičy smačnyja jak haračyja, tak pakajovaj tempieratury abo chałodnyja, tak što vybirajcie sami! Jany zachavajucca na praciahu dnia, kali vy ščylna zahorniecie ich u vaksavanuju papieru i pakładziacie ŭ chaładzilnik.

 

Čym zamianić kaziny syr: uźbitaja pasta ź fiety z časnakom i bazilikam

Spatrebicca:

  • 170 h zdrobnienaha syru fieta
  • 50 h uźbitaha śmietankovaha syru
  • 2 st. ł. — 1/4 šklanki aliŭkavaha aleju
  • 2 st. ł. limonnaha soku
  • 4 st. ł. śviežaha baziliku
  • 2 zubki časnaku, zdrobnienyja

Jak hatavać: źmiašajcie ŭsie inhredyjenty ŭručnuju da adnastajnaj masy. ABO: dadajcie fietu, śmietankovy syr, limonny sok i časnok u kuchonny kambajn. Zdrabnicie da kremapadobnaj kansistencyi i apyrskajcie aliŭkavym alejem. Dadajcie śviežy bazilik i pieramiašajcie.

Kamientary1

  • Žvir
    10.08.2024
    Nie, kaziny syr treba zamianić brynzaj, abo fieta. Kaziny, tak by mović, nia dobra patychaje... Nie.

Ciapier čytajuć

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ6

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ

Usie naviny →
Usie naviny

«Biellehpram» zaćvierdziŭ uzory školnaj formy na novy navučalny hod FOTY5

Mužčyna pakazaŭ u internecie školny abied. Hramadskaść aburyłasia12

U Mačuliščach abarvałasia budaŭničaja lulka, jość achviary

«Ludzi ad nas adviarnulisia». Žonka ŭładalnika pašparta prykryćcia Ivana Miščuka prakamientavała skandał ź im5

«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku34

Jeŭrasajuz choča ŭvieści poŭnuju zabaronu na zakupku praduktaŭ z rasijskaj nafty6

Rasija i Ukraina praviali čarhovy abmien ciełami zahinułych vajskoŭcaŭ. Jon išoŭ praź Biełaruś

«Raźjazdžalisia prosta pa tratuarach». Kala novaha stadyjona paśla matča adbyŭsia kałaps3

Ukraincy nanieśli ŭdar vysokadakładnymi snaradami pa bazie rasijskich vojskaŭ u Kurskaj vobłaści VIDEA1

bolš čytanych navin
bolš łajkanych navin

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ6

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić