Pakul vosień praciahvaje pastaŭlać śviežuju harodninu, paśpiejcie pryhatavać hetu sakavituju i duchmianuju stravu. Kałoryj niašmat, zatoje šmat karyści.
Samy čas dla bakłažanaŭ — lubimaha praduktu dyjetołahaŭ. Heta harodnina nie tolki pryhožaja, ale i karysnaja: kolkaść vitaminaŭ i klatčatki ŭ joj zaškalvaje, a roznyja rečyvy dapamahajuć kantralavać uzrovień cukru ŭ kryvi i źnižajuć ryzyku sardečna-sasudzistych zachvorvańniaŭ.
Kab prydać hetaj harodninie bolš smaku, jaje zvyčajna hatujuć razam ź niejkimi inšymi składnikami, smak jakich bolš vyrazny. Raniej my ŭžo prapanoŭvali recept faršyravanych bakłažanaŭ, dzie ŭ jakaści načynki vystupajuć pamidory, syr i prypravy, ciapier vašaj uvazie jašče adno spałučeńnie — z syram i hrybami.
Spatrebicca:
- 2 bakłažany
- sol
- aliŭkavy alej (abo luby inšy alej)
- 120 h hryboŭ, narezanych łustačkami
- śviežamołaty pierac
- adna-dźvie žoŭtyja cybuliny, drobna narezanyja
- 1 čajnaja łyžka pravanskich traŭ
- 4 kavałki padsmažanaha biełaha chleba, narezanaha kubikami
- 1 stałovaja łyžka niesalonaha masła
- 3/4 šklanki ciortaha syru
- 1/2 šklanki aharodninnaha bulonu
- 1-2 zubčyki časnaku, zdrobnienyja
Jak hatavać:
- Razrežcie bakłažany ŭzdoŭž na pałoŭki i dastańcie miakać, pakinuŭšy łupinu taŭščynioj kala 6 mm. Narežcie miakać kubikami pamieram 1—2 sm. Pasalicie łupinu bakłažanaŭ i dajcie pastajać 30 chvilin. Pramaknicie łupinu dasucha.
- Razahrejcie duchoŭku da 160°C. Našmarujcie bakłažany alejem; pakładzicie ich na blachu z borcikami zrezam uniz. Dadajcie 1/4 šklanki vady, nakryjcie folhaj i zapiakajcie 30 chvilin.
- Tym časam u patelni nahrejcie aliŭkavy alej. Dadajcie hryby. Prypraŭcie sollu i piercam, nakryjcie viečkam i varycie na ŭmieranym ahni da hatoŭnaści; pierakładzicie ŭ misku.
- Nahrejcie jašče aliŭkavy alej u patelni. Dadajcie narezanyja kubikami bakłažany. Prypraŭcie sollu i piercam, nakryjcie viečkam i hatujcie, pakul jany nie stanuć miakkija i nie padrumianiacca, niedzie 3 chviliny; dastańcie i pakładzicie ŭ tuju ž misku.
- Dadajcie ŭ patelniu časnok, cybulu i jašče aliŭkavaha aleju. Nakryjcie viečkam i varycie, pakul źmieściva nie stanie miakkim.
- Dadajcie pravanskija travy i masła i miašajcie da źjaŭleńnia vodaru, niedzie chvilinu. Dadajcie ŭ misku z hrybna-bakłažanavaj sumieśsiu.
- Dadajcie kubiki chleba, ½ šklanki syru i aharodninny bulon. Prypraŭcie načynku sollu i piercam.
- Pavialičcie tempieraturu duchoŭki da 210°C. Pieraviarnicie łupinu bakłažanaŭ zrezam uvierch i napoŭnicie načynkaj. Pasypcie syram, jaki zastaŭsia, i zapiakajcie kala 15 chvilin (pakul nie padpiačecca).
Bolš receptaŭ:
Kansiervujem piercy — pravierany recept
Ciapier čytajuć
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj11
Kamientary