Recept na vychadnyja. Faršyravanyja bakłažany — kłasičny italjanski sialanski recept
Hatavać ich prosta, a pach i smak stravy vas nie rasčarujuć.
Fota: BBC Food
Kab zhatavać faršyravanyja bakłažany, vam spatrebicca:
- 4 vialikija bakłažany
- 4 pamidory (treba ačyścić ich ad skurki i narezać na vialikija kavałki)
- 6 stałovych łyžak aliŭkavaha aleju
- 1 drobna narezanaja vialikaja cybulina
- 3 drobna narezanyja zubki časnaku
- 1 čajnaja łyžka sušonaha čabaru
- 1 čajnaja łyžka sušonaha arehana
- 50 hramaŭ biełych panirovačnych sucharoŭ
- 25 hramaŭ parmiezanu ci inšaha ćviordaha syru (treba jaho pacierci)
- drobna naciortaja cedra ad pałovy limona
- žmienia parublenych śviežych listkoŭ bazilika
- sol i śviežamołaty čorny pierac
- pa žadańni — drobka suchich šmatkoŭ čyrvonaha piercu čyli
- Razahrejcie duchoŭku da 200 hradusaŭ. Razrežcie bakłažany napałovu ŭzdoŭž i vyražcie ź ich miakać, pakidajučy pa bakach jaje słoj taŭščynioj u 5 milimietraŭ.
- Narežcie miakać kubikami i adkładzicie ŭ bok. Vyšmarujcie bakłažany znutry aliŭkavym alejem i pasalicie. Vykładzicie ich u formu dla zapiakańnia i nakryjcie falhoj. Zapiakajcie 20 chvilin.
- Razahrejcie na hłybokaj patelni dźvie stałovyja łyžki aliŭkavaha aleju. Dadajcie cybulu i smažcie jaje na siarednim ahni 10 chvilin abo pakul cybula nie źmiaknie.
- Pavialičcie ahoń i dadajcie da cybuli časnok i miakać bakłažanaŭ, smažcie, pakul bakłažany nie padrumianiacca, i nie zabyvajcie pamiešvać. Dadajcie travy, pamidory i šmatki čyli, kali ich vykarystoŭvajecie, zapraŭcie sollu i piercam. Pieramiašajcie, pamienšycie ahoń i nakryjcie viečkam.
- Tušycie sumieś na słabym ahni 10 chvilin. Potym źnimicie viečka i praciahvajcie varyć sumieś, pakul usia vadkaść nie vyparycca.
- Vykładzicie sumieś na pałavinki bakłažanaŭ. Źmiašajcie panirovačnyja suchary z syram, cedraj i bazilikam, dadajcie krychu soli i piercu. Pasypcie hetym bakłažany i papyrskajcie na ich aliŭkavym alejem.
- Vypiakajcie bakłažany na praciahu 25—30 chvilin abo pakul načynka nie stanie haračaj, a vierch nie padpiačecca, nakryvać ich nie treba.
Recept na vychadnyja. Bulbiany hraten — prostaja strava dla letniaj viačery
Recept śniadanku na vychadnyja ad Mikity Miełkaziorava — aŭsianyja blincy
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary