Vučyč zajaviŭ, što Charvatyja, Ałbanija i Kosava źbirajucca napaści na Sierbiju
Prezident Sierbii Alaksandr Vučyč zajaviŭ, što Charvatyja, Ałbanija i Respublika Kosava rychtujuć napad na jaho krainu. Jon spasłaŭsia na trochbakovuju dekłaracyju ab supracoŭnictvie ŭ halinie abarony, padpisanuju hetymi dziaržavami ŭ Tyranie 18 sakavika 2025 hoda. Na dumku Vučyča, hety dakumient nakiravany na ŭmacavańnie vajskovych suviaziaŭ i stvareńnie aljansu suprać Sierbii, piša The Moscow Times.
Prezident Sierbii śćviardžaje, što pieraličanyja try krainy čakajuć eskałacyi kanfliktu pamiž Rasijaj i Jeŭropaj, a taksama mahčymaj vialikaj vajny na Blizkim Uschodzie, kab dziejničać u «suśvietnym chaosie». Jon taksama zajaviŭ, što Zahrab apošnija paŭtara hoda «sprabuje padarvać Sierbiju i ŭmiešvacca ŭ jaje ŭnutranyja spravy».
Što tyčycca ŭłasnych abarončych mahčymaściaŭ, to Vučyč paviedamiŭ, što Sierbija vałodaje kitajskimi hipierhukavymi rakietami kłasa «pavietra—ziamla» z dasiažnaściu da 400 km, nazvaŭšy ich adnymi z samych sučasnych sistem uzbrajeńnia. Pry hetym jon padkreśliŭ, što Biełhrad padtrymlivaje dobryja adnosiny z NATA i prytrymlivajecca palityki vajennaha niejtralitetu.
Raniej, 7 sakavika, pradstaŭlajučy nacyjanalnuju stratehiju raźvićcia, Vučyč papiaredžvaŭ pra nieminučaść novych i bolš surjoznych vajennych kanfliktaŭ u śviecie. U kastryčniku 2025 hoda jon taksama adznačaŭ, što «ŭsie rychtujucca da vajny, i pytańnie tolki ŭ tym, da jakoha boku naležyć kožny».
Piaskoŭ panarakaŭ, što Rasija i ZŠA nie vykarystoŭvajuć «bliskučyja pierśpiektyvy» supracoŭnictva, a Jeŭropa čamuści ŭzbrojvajecca
Prezident Sierbii zajaviŭ pra padrychtoŭku Jeŭropy da vajny z Rasijaj
Alaksandr Vučyč vyklučyŭ Biełaruś sa składu Jeŭropy
Rasija stračvaje kantrol nad Uschodniaj Jeŭropaj — ale razmova nie pra Biełaruś
Kamientary