Prezident Sierbii zajaviŭ pra padrychtoŭku Jeŭropy da vajny z Rasijaj
Usie krainy Jeŭropy rychtujucca da mahčymaj vajny z Rasijaj, i Sierbii ŭ hetaj situacyi nieabchodna ŭmacoŭvać ułasnuju abaranazdolnaść, zajaviŭ sierbski prezident Alaksandr Vučyč.
«Pa miery taho, jak ja analizuju fakty, ja prychodžu da vysnovy, što vajna pamiž Jeŭropaj i Rasijaj stanovicca ŭsio bolš vidavočnaj. Heta nie pustaja navina. Usie da jaje rychtujucca», — skazaŭ Vučyč u efiry telekanała Pink.
Tak jon prakamientavaŭ zajavu načalnika Hałoŭnaha štaba Uzbrojenych sił Francyi Fabjena Mandona ab tym, što francuzskaja armija pavinna być hatovaja da sutyknieńnia z Rasijaj «praz try—čatyry hady».
Vučyč nazvaŭ Mandona «nadzvyčaj adkaznym hienierałam». Pry hetym, pa jaho słovach, Sierbija hetaj abstanoŭcy akazałasia «pamiž małatkom i kavadłam».
«My pavinny praciahvać umacoŭvać armiju. My ŭzbrojvajemsia z rozumam. Nam treba praciahvać układvać vialikija srodki, kab abaranić našu krainu», — padsumavaŭ Vučyč.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary