«Dzie jašče ŭ Jeŭropie my možam znajści 110 bryhad?» Šviecyja padtrymlivaje ŭstupleńnie Ukrainy ŭ NATA
Vystupajučy 23 maja na forumie GLOBSEC u Prazie, ministr abarony Šviecyi Poł Junsan zajaviŭ, što jahonaja kraina padtrymlivaje budučaje členstva Ukrainy jak u NATA, tak i ŭ Jeŭrapiejskim sajuzie, dadaŭšy, što Kijevu pavinna być dadziena doŭhaterminovaja jeŭraatłantyčnaja pierśpiektyva. Jon upeŭnieny, što zahartavanyja ŭ bajach uzbrojenyja siły Kijeva i abaronnaja pramysłovaść, jakaja chutka raście, umacujuć NATA, niahledziačy na apazicyju z boku niekatorych krain-členaŭ, piša Politico.
«Usie jeŭrapiejskija krainy pavinny mieć prava na ŭstupleńnie ŭ NATA jak takoje, kali jany adpaviadajuć patrabavańniam, — skazaŭ Junsan, spasyłajučysia na palityku adčynienych dźviarej aljansu. — Nie pavinna być nikoha, chto maje prava vieta suprać hetaha. Heta naša pazicyja».
Pytańnie pra budučyniu Ukrainy ŭ NATA zastajecca adnym z samych adčuvalnych unutry aljansu. Niekalki sajuźnikaŭ padtrymlivajuć zachavańnie dźviarej adčynienymi dla Kijeva, u toj čas jak inšyja aścierahajucca, što zanadta chutki ruch moža abvastryć napružanaść z Rasijaj abo ŭciahnuć niepasredna NATA ŭ aktyŭnuju vajnu.
Junsan pryznaŭ, što siarod sajuźnikaŭ niama kansiensusu.
«Ja pryznaju, što jość sajuźniki, jakija vystupajuć suprać hetaha, — skazaŭ jon. — Ale kali vy spytajecie mianie pra našu pazicyju, to naša pazicyja takaja».
Šviedski ministr razhladaje Ukrainu jak budučy čyńnik biaśpieki dla Jeŭropy. Jon źviartaje ŭvahu na maštab Uzbrojenych sił Ukrainy, jaje inavacyi vajennaha času i patencyjał abaronnaj pramysłovaści jak na pryčyny dla nabližeńnia krainy da NATA.
«Dzie jašče ŭ Jeŭropie my možam znajści 110 bryhad? — zapytaŭ Junsan. — Dzie jašče ŭ Jeŭropie my možam znajści inavacyjnuju sistemu, jakuju zabiaśpiečyła Ukraina? Dzie jašče my možam znajści taksama i pramysłovy patencyjał?»
Šviedski ministr abarony taksama śćviardžaje, što abaronny rynak Ukrainy staŭ adnym z samych efiektyŭnych u Jeŭropie, zajaviŭšy, što Kijeŭ pravioŭ derehulacyju, pryvatyzacyju i adkryŭ kankurencyju paśla poŭnamaštabnaha ŭvarvańnia Rasii, što dazvoliła jamu pavialičyć vytvorčaść zbroi ź dzivosnaj chutkaściu.
Prezident Čechii zaklikaŭ NATA «sabracca ź siłami i pakazać zuby»
Rubia: Pieradysłakacyja amierykanskich vojskaŭ — «nie pakarańnie»
Prezident Finlandyi: ZŠA nie mohuć sabie dazvolić vyjści z NATA, što b ni havaryŭ Tramp
Hiensak NATA prapanavaŭ členam aljansu vydzialać na dapamohu Ukrainie pa 0,25% VUP
Kolkaść vojska Kanady raście samymi chutkimi tempami za 30 hadoŭ. Pryčyna nie tolki ŭ Trampie
Kamientary