Jeŭrapoł zatrymaŭ hrupu hruzinaŭ, jakija krali knihi ruskich piśmieńnikaŭ ź jeŭrapiejskich biblijatek
Jeŭrapiejskaja palicyja zatrymała dzieviać čałaviek — hramadzian Hruzii, jakija padazrajucca ŭ datyčnaści da vykradańniaŭ antykvarnych knih. Škoda ad ich dziejańniaŭ skłała bolš za 2,5 młn jeŭra.
U 2022 i 2023 hadach złačynnaj hrupie ŭdałosia vykraści redkija knihi z nacyjanalnych i histaryčnych biblijatek Čechii, Estonii, Finlandyi, Francyi, Hiermanii, Łatvii, Litvy, Polščy i Šviejcaryi.
Krali čamuści ŭ asnoŭnym knihi ruskich piśmieńnikaŭ (u tym liku pieršyja vydańni Alaksandra Puškina i Mikałaja Hohala).
«U ahulnym liku złačynnaja hrupa niasie adkaznaść za kradziež jak minimum 170 knih. Niekatoryja z hetych skradzienych histaryčnych artefaktaŭ byli pradadzienyja praz aŭkcyjonnyja damy ŭ Sankt-Pieciarburhu i Maskvie, što faktyčna zrabiła ich niezvarotnymi», — havorycca ŭ paviedamleńni Jeŭrapoła.
Schiema kradziažoŭ była takoj: złačyncy prychodzili ŭ biblijateki, prasili vydać im redkija i kaštoŭnyja knihi, zatym staranna vymiarali vydańni i fatahrafavali ich, a zatym viartali. Praź niejki čas vykradalniki prasili jašče raz vydać im tyja ž knihi i padmianiali aryhinały vysakajakasnymi padrobkami. Ale ŭ niekatorych vypadkach złačyncy prosta ŭzłomvali biblijateki i vykradali knihi.
U dzień admysłovaj akcyi Jeŭrapoła ŭ Hruzii i Łatvii było zadziejničana bolš za 100 supracoŭnikaŭ pravaachoŭnych orhanaŭ, jakija abšukali ahułam 27 miescaŭ.
U vyniku palicyjanty aryštavali čatyroch čałaviek i kanfiskavali bolš za 150 knih, kab vyznačyć ich pachodžańnie. Jašče troje padazravanych byli aryštavanyja ŭ Estonii, Francyi i Litvie. Dvoje padazravanych byli zatrymanyja raniej.
«U jaho mocna adtapyrvałasia kamizelka». U Hiermanii zatrymali biełarusaŭ, jakija krali ŭ kramach
Jeŭrapoł: u ES dziejničajuć zvyš 800 «vielmi niebiaśpiečnych» kryminalnych sietak. U ich šerahach jość i biełarusy
U Niamieččynie sudziać žančynu, jakaja 30 hadoŭ krała tavary z kramaŭ. «Ułoŭ» skłaŭ 20 ton
Cichanoŭski raskazaŭ, što treba było rabić u žniŭni 2020-ha62
Kamientary