Škoła polskaj movy PanProfesor spyniła pracu paśla vizitu siłavikoŭ
Na fejsbuk-staroncy škoły polskaj movy PanProfesor źjaviŭsia post, u jakim jaje kiraŭnictva padrabiazna raskazała, što adbyłosia ŭ ich 21 śniežnia minułaha hoda i čamu škoła vymušana spynić pracu.
Pavodle paviedamleńnia, dva tydni tamu pradstaŭniki niejkich śpiecyjalnych słužbaŭ «pryjšli ŭ hości» da adnaho z supracoŭnikaŭ u Minsku, a paśla praviali pieratrus u ofisie.
Jak paźniej akazałasia, u tuju ranicu 21 śniežnia 2023 hoda škoła PanProfesor była nie adzinaj, jakoj daviałosia pieražyć padobnaje: na niekalkich inšych kursach polskaj movy tady byli zatrymanyja dyrektary, supracoŭniki i vykładčyki, niekatorych ź ich prymusili zapisać videa.
Praktyčna z paroha «tavaryšy» stali zajaŭlać, što ŭ kampanii šmat parušeńniaŭ i daŭhoŭ, a taksama što na ich, maŭlaŭ, pastupiła niejkaja ananimnaja zajava, pra źmiest jakoj nie kazali.
A kali adzin ź ich pabačyŭ statut i inšyja asnoŭnyja dakumienty pradpryjemstva, to skazaŭ, što, maŭlaŭ, «vas tolki za heta ŭsich možna pasadzić nadoŭha».
Paśla taho škole było nastojliva prapanavana nieadkładna:
1) spynić rekłamu;
2) zakryć ofis i spynić zaniatki;
3) samastojna likvidavać kampaniju.
Pakolki «ŭ nas niama nijakich resursaŭ i mahčymaściaŭ choć by niejkim čynam supraciŭlacca padobnamu, a taksama «časam nie da zakonaŭ», kiraŭnictva škoły pryniało balučaje dla jaho rašeńnie ab zakryćci biełaruskaj kampanii, supracoŭniki zvolnienyja.
«Dla pradstaŭnikoŭ śpiecsłužbaŭ i inšych aźviaronkaŭ hetaja navina moža być alejem na sercy, dla nas ža — zaviaršeńniem amal 9-hadovaj pracy ŭ Biełarusi pad brendam PanProfesor, choć mnohija z našych vykładčykaŭ majuć 10, 15 i navat 20-hadovy staž vykładańnia polskaj movy», — kanstatujecca ŭ paviedamleńni.
«My jašče nie pamierli, ale naša dzicia ŭ Biełarusi robić apošnija ŭzdychi.
Sprabujučy zastavacca viernymi pierš za ŭsio samim sabie, my pryniali rašeńnie jak minimum zaviaršyć hrupy, jakija nie davučylisia, anłajn. Dziakuj našym vučniam, bolšaść padtrymała našu prapanovu», — abiacajuć piedahohi.
A pakolki za zaviaršeńnie navučańnia adkazvaje partniorskaja kampanija PanProfesor z Polščy, to jany harantujuć, što «nijakaj uciečki danych u hetaj suviazi nie budzie, a abaviazacielstvy pa navučańni buduć vykananyja ŭ adpaviednaści z damovaj».
«Jany patrabujuć śpisy ŭsich klijentaŭ». Dyrektar polskich kursaŭ, kudy tydzień tamu pryjšli siłaviki, raskazaŭ pra składany maralny vybar
HUBAZiK naviedaŭ škołu polskaj movy. Padobna, što zatrymany jaje dyrektar Vadzim Śvistunoŭ
«Demanstravała karcinu z BČB-ściaham». Stała viadoma, za što aryštavali mastačku Hannu Kruk
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy9
Kamientary