Pamiatajecie pra skandał vakoł parodzistych koniej u Aśviei? Akazałasia, ich niezakonna pradali ŭ Rasiju
Pradprymalnik vykupiŭ ich pa canie subpraduktaŭ. Zaviedziena kryminalnaja sprava.
Tydzień tamu ŭ internecie zabili tryvohu: haspadarka ŭ Aśviei (Vierchniadźvinski rajon) choča pradać tabun na miasa. Tam jość i biełaruskija zapražnyja koni. Heta adzinaja nacyjanalnaja paroda Biełarusi, na vyviadzieńnie jakoj spatrebiłasia nie adno dziesiacihodździe.
Samo pradpryjemstva «Aśviejski» ŭ ciažkim finansavym stanie.
Kazali, što jość aptovy pakupnik na ŭsio pahałoŭje — i kiraŭnictva heta całkam zadavalniaje: «Pačalisia hulni ŭ ceny — maŭlaŭ, maładniak 2023 hoda pa 5,5 rubla za kiłahram, za starejšych spačatku nazyvali canu pa 8 rubloŭ, potym pa 6,6».
U Aśviei chočuć pradać na miasa biełaruskich zapražnych koniej — heta adzinaja nacyjanalnaja paroda
Pieršy namieśnik staršyni — načalnik upraŭleńnia pa sielskaj haspadarcy i charčavańni Vierchniadźvinskaha rajvykankama Alaksiej Harbul tady zapeŭnivaŭ, što ŭsio ŭ paradku.
«Nichto zdavać na miasakambinat žyvioł nie źbiraŭsia», — zajaviŭ jon u kamientary «SB».
Jon paćvierdziŭ, što KUP «Aśviejski» dałučać da inšaj haspadarki. A tabun, u jakim było kala 100 koniej biełaruskaj zapražnoj parody, pradajuć. Kala 40 žyvioł užo adpraŭleny pa novym miescy žycharstva.
Adnak akazałasia, da haspadarki ŭźnikli pytańni. Na indyvidualnaha pradprymalnika i byłoha dyrektara haspadarki «Aśviejski» zaviali kryminalnuju spravu za niezakonny prodaž tabuna čystaparodnych koniej u Rasiju. Pra heta paviedamili na telekanale «Biełaruś 1».
Pradprymalnik z Mahiloŭskaj vobłaści kupiŭ aśviejskich koniej i potym pradaŭ ich u Rasiju pa 5,5 rubla za adzin kiłahram žyvoj vahi. Raniej jon užo pryciahvaŭ uvahu milicyi. Pradprymalnik zatrymany.
«Padčas praviadzieńnia pravieračnych mierapryjemstvaŭ ustanoŭlena, što dyrektar sielhaspradpryjemstva «Aśviejski» Vierchniadźvinskaha rajona Viciebskaj vobłaści z metaj paźbiahańnia adkaznaści za niesvoječasovuju vypłatu zarabotnaj płaty biez atrymańnia dazvołu na realizacyju i nasupierak narmatyŭnym aktam realizavaŭ 31 čystaparodnaha plemiannoha kania pa košcie subpraduktaŭ», — paviedamiŭ staršy inśpiektar adździeła UDFR Kamiteta dziaržkantrolu pa Mahiloŭskaj vobłaści Anatol Asipienka.
«Pieršy raz sieła na kania ŭ 35 hadoŭ». Hrodzienka sabrała vakoł siabie tabun koniej i ščaślivaja
Hniadyja, šeryja, koni ŭ jabłykach. Pahladzicie, jakaja vystava prachodzić u Minsku
Na Pinščynie ŭładalnika konnaha kłuba vinavaciać u kiepskim abychodžańni z žyviołami. Toj baronicca: Ja prystojny čałaviek i vyžyvaju z božaj dapamohaju
«Možna i aharod uzarać, i viercham na im prajechacca». Za što ceniać biełaruskuju parodu koniej?
Čamu YouTube vydaliŭ kanały BiełTA, STB i ANT? Voś što viadoma11
Kamientary