Što adbudziecca, kali patrapić u aparat MRT sa zbrojaj? (spojler: ničoha dobraha)
Žančyna ŭ ZŠA pryjšła na MRT sa zbrojaj. Što adbyłosia dalej?
Miedyčny ahlad 57-hadovaj amierykanki abiarnuŭsia litaralna bolem u dupie z-za niaŭdała schavanaj ahniastrelnaj zbroi. The Messenger raspaviadaje pra incydent, kali žančyna była paraniena ŭ pravuju jahadzicu ŭłasnym pistaletam, jaki byŭ aktyvavany aparatam mahnitna-rezanansnaj tamahrafii (MRT). Na ščaście, traŭma vyjaviłasia adnosna lohkaj i žančyna ŭžo papraviłasia.
Pavodle paviedamleńnia, nienaŭmysny streł adbyŭsia jašče ŭletku, ale viadoma pra incydent stała tolki niadaŭna. Nienazvanaja žančyna ŭvajšła ŭ kabiniet MRT sa schavanym pistaletam. Kali jana ŭžo źbirałasia lehčy ŭnutry aparata, pistalet byŭ pryciahnuty mahutnym mahnitam i zrabiŭ adzin streł. Na ščaście, kula ledź prabiła skuru pacyjentki.
Gizmodo napaminaje toje, što musić viedać kožny, chto kali-niebudź pracavaŭ z MRT abo prachodziŭ praceduru: mahnit, jaki siłkuje MRT, zaŭsiody ŭklučany. Pacyjentam zabaroniena pranosić u pakoj lubyja rečy, jakija patencyjna mohuć prymahničvacca: u pryvatnaści, mietaličnyja rečy. Pavodle spravazdačy, žančyna prajšła standartnuju pravierku i adnaznačna adkazała «nie» na pytańnie ab najaŭnaści ahniastrelnaj zbroi. Ci byŭ u jaje dazvoł na našeńnie, nie paviedamlajecca.
Nie tolki zbroja moža być niebiaśpiečnaj, kali apynajecca pobač z aparatam MRT. Zdaralisia vypadki, kali ludzi atrymlivali surjoznyja traŭmy i hinuli ad invalidnych kalasak, kisłarodnych bałonaŭ i navat mietaličnych seks-cacak kštałtu analnych korkaŭ.
Apisany vypadak ź pistaletam — choć i redki, adnak nie biesprecedentny. Raniej u studzieni hetaha hoda brazilec pamior ad strełu ŭ žyvot (jaki hetaksama byŭ spravakavany aparatam MRT), kali dapamahaŭ svajoj maci patrapić u aparat. Amierykancy ŭ hetym vypadku pašancavała značna bolš: paśla ranieńnia jaje dastavili ŭ bližejšuju lakarniu. Paźniej jana paviedamiła, što jaje rana ŭ paradku i dobra hoicca.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary