«Vy nie tak zrazumieli». Łukašenka zapatrabavaŭ adpraŭlać u «prezidenckuju kliniku» ludziej z čarhi na MRT — žurnalisty pasprabavali tudy zapisacca
Učora na naradzie pa pytańniach achovy zdaroŭja Alaksandr Łukašenka aburyŭsia čerhami na KT i MRT i zapatrabavaŭ nakiroŭvać usich, chto maje patrebu, u «prezidenckuju kliniku», to-bok u Respublikanski kliničny miedycynski centr dla čynoŭnikaŭ. Žurnalisty «Zierkała» patelefanavali ŭ kliniku, kab daviedacca, jak zapisacca na MRT tym, chto vielmi doŭha čakaje. Akazałasia, usio nie tak prosta.
— Padkažycie, kali łaska, učora Alaksandr Ryhoravič skazaŭ, što ludziam z rehijonaŭ možna budzie zapisvacca na MRT u Minsk u Respublikanski miedcentr. Ja sama ź nievialikaha horada, i ŭ mianie zapis tolki na luty. A tut, vychodzić, možna budzie chutčej u vas zrabić. Skažycie, a što dla hetaha patrebna? — spytała karespandentka, jakaja patelefanavała jak zvyčajnaja hramadzianka.
Joj u koł-centry adkazali, što kali jość piśmovaja rekamiendacyja abo nakiravańnie, to kali łaska, ale pa zapisie i za hrošy.
— Prosta ŭ vystupie havorka išła pra biaspłatnaje abśledavańnie, — zaŭvažyła karespandentka.
— Biaspłatna absłuhoŭvajecca tolki prymacavanaje nasielnictva, — adkazali joj.
— A heta, atrymlivajecca, minčanie?
— Nie, u centry absłuhoŭvajucca dziaržsłužačyja pa pasadach, što jany zajmajuć. Tolki jany mohuć zaraz atrymlivać pasłuhi biaspłatna. Usie astatnija mohuć atrymlivać pasłuhi tolki na płatnaj asnovie. Biaspłatna vy absłuhoŭvajeciesia pa miescy žycharstva.
Na zaŭvahu, što pres-słužba Łukašenki pieradavała infarmacyju zusim inakš, karespandentcy adkazali, što jana, mabyć, «nie zusim pravilna zrazumieła».
— Tut, vy ž razumiejecie, kožny čałaviek prymacavany da peŭnaj miedycynskaj ustanovy. Vy — pa miescy žycharstva, tyja pacyjenty, jakija absłuhoŭvajucca tut, u centry, — prymacavanyja pa miescy pracy, u asnoŭnym heta dziaržsłužačyja. Kali vy nie adnosiciesia da katehoryi dziaržsłužačych, to vy nie možacie atrymać pasłuhi ŭ našym centry biaspłatna. Vy možacie atrymać ich na płatnaj asnovie.
Na naradzie 23 maja Alaksandr Łukašenka ŭčyniŭ demanstratyŭny raznos čynoŭnikam i pracaŭnikam achovy zdaroŭja. I pastaviŭ dedłajn: vypravić usie niedachopy za paŭhoda — da 1 studzienia 2024 hoda.
Ciapier čytajuć
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii6
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary