Na 59-m hodzie žyćcia pamierła adzinaja ŭ historyi alimpijskaja čempijonka ŭ łyžnych honkach i bijatłonie, rasijanka Anfisa Razcova.
Rasijskija ŚMI paviedamlajuć, što Razcova pamierła ŭ reanimacyi. Kankretnyja pryčyny, čamu jana tudy trapiła, pakul nie nazyvajucca. Viadoma, adnak, što ŭ sakaviku ŭ jaje byŭ sardečny prystup.
Anfisa Razcova — adzinaja spartsmienka, jakaja vyjhrała alimpijskaje zołata i ŭ bijatłonie, i ŭ łyžach. Da 2018 hoda jana była adzinaj spartsmienkaj z załatymi miedalami hulniaŭ u dvuch zimovych vidach, pakul češka Ester Ledecka nie pieramahła na Alimpijadzie ŭ paŭdniovakarejskim Pchiončchanie ŭ harnałyžnym sporcie i snoŭbordzie.
Załaty miedal u łyžnych honkach Anfisa Razcova zavajavała na Zimovaj Alimpijadzie 1988 hoda ŭ kanadskim Kałhary ŭ składzie estafietnaj kamandy SSSR. Paśla taho jana źmianiła śpiecyjalizacyju, dadaŭšy da łyžaŭ vintoŭku i pierajšoŭšy ŭ bijatłon. Jak byłaja prafiesijnaja łyžnica, jana adznačałasia vielmi chutkim prachodžańniem dystancyi, u hetym joj nie było roŭnych. U toj ža čas słabym miescam spartsmienki była vielmi niestabilnaja stralba, promachaŭ jana rabiła vielmi šmat. Ale kali ŭdavałasia abyścisia tolki niekalkimi — to pieramoha była praktyčna harantavanaja.
Tak adbyłosia na dźviuch Alimpijadach: u 1992 hodzie ŭ francuzskim Albiervili, dzie Razcova pieramahła ŭ spryntarskaj indyvidualnaj honcy, vystupajučy za Abjadnanuju kamandu byłych respublik SSSR, i ŭ 1994-m u narviežskim Lilechamiery, dzie jana vyrvała pieramohu dla zbornaj Rasii na apošnim etapie dramatyčnaj estafietnaj honki. Praŭda, apošniamu vielmi dapamoh pravał na tym ža apošnim etapie pradstaŭnicy kamandy Hiermanii Anćje Mizierski, jakaja z-za promachaŭ pabiehła ažno šeść štrafnych kruhoŭ i tym samym pazbaviła svaju kamandu ŭžo, zdavałasia b, harantavanych załatych miedaloŭ.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary