U Varšavie zatrymali 20-hadovaha biełarusa, jaki pradstaŭlaŭsia rabotnikam banka i vymańvaŭ hrošy
Našamu suajčyńniku pahražaje da vaśmi hadoŭ turmy.
U Varšavie zatrymali 20-hadovaha biełarusa, jaki padazrajecca ŭ machlarstvie, učynienym dystancyjna z vykarystańniem novych technałohij, piša sajt «Biełarusy i śviet».
U žniŭni ŭ adździaleńnie palicyi horada Otvack pastupiła zajava ad mužčyny, jaki staŭ achviaraj padmanu. Złamyśniki, nazvaŭšysia supracoŭnikami banka, paviedamili, što jaho hrošy znachodziacca pad pahrozaj. U vyniku paciarpieły straciŭ 31 800 złotych (7 000 jeŭra).
Śledčyja ŭzialisia za spravu i praź niekalki dzion vyśvietlili asobu jašče adnoj achviary, jakaja straciła bolš za 19 500 złotych (4 300 jeŭra).
Vartavyja paradku adsačyli šlach hrošaj, što ŭ spałučeńni z sučasnymi mietadami pracy pryviało ich da miesca, dzie znachodziŭsia vinoŭnik złačynstva. Była praviedziena apieracyja, jakaja zaviaršyłasia zatrymańniem u varšaŭskim rajonie Praha-Paŭnočnaja našaha suajčyńnika.
Padčas pieratrusu pravaachoŭniki kanfiskavali hatoŭku na sumu 45 370 złotych, 210 jeŭra i 1 772 dalary, a taksama bankamatnyja karty i mabilny telefon.
Zatrymanamu vystavili abvinavačańni ŭ dvuch vypadkach machlarstva, za jakija pahražaje da vaśmi hadoŭ pazbaŭleńnia voli.
Jon pryznaŭ siabie vinavatym u adnym z vypadkaŭ. Chłopca źmiaścili pad vartu na try miesiacy.
Telefonnyja machlary raźviali žančynu z Baranavičaŭ na hrošy, a taksama zahadali spalić u duchoŭcy noŭtbuk — «pakarali za palityčnyja pohlady»
Machlary aformili kredyt na minčanku. Ale jana paśpieła jaho skasavać
Machlary vymańvajuć hrošy nie tolki ŭ małaadukavanych ludziej ci piensijanieraŭ. Voś jašče adna schiema, na jakuju moža papaścisia kožny
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ1
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary