Ježa44

Šeść sałataŭ z ahurkom: ad znajomych da niečakanych

Ad kłasičnych spałučeńniaŭ z cybulaj i kropam da śviatočnych — z kunžutam, miodam i apielsinam.

Salad with cucumber
Fota: Laura Stolfi / Getty Images

Ahurok z kropam

  • 2 siarednija ahurki, narezanyja łustačkami taŭščynioj 1/3 sm
  • 1 stałovaja łyžka soli
  • 1/2 šklanki biełaha vocatu
  • 1/4 šklanki narezanaha śviežaha kropu
  • 3 stałovyja łyžki cukru
  • 1/2 čajnaj łyžki čornaha piercu

Vykładzicie łustački ahurka ŭ drušlak nad talerkaj; pasypcie sollu i papierčycie. Dajcie pastajać 15 chvilin (adzin raz pieramiašajcie). Dobra pramyjcie i absušycie.

U vialikaj miscy źmiašajcie vocat, krop, cukar i pierac. Dadajcie ahurki. Nakryjcie i pastaŭcie ŭ chaładzilnik minimum na 15 chvilin pierad padačaj na stoł.

Ahurki ź zialonaj cybulaj

  • kala kiłahrama ahurkoŭ
  • 2 zialonyja cybuli, parezanyja
  • 1 zubčyk časnaku, zdrobnieny
  • 4 stałovyja łyžki jabłyčnaha vocatu
  • 1 čajnaja łyžka miodu
  • 2 čajnyja łyžki sušanaha kropu abo 2 stałovyja łyžki narezanaha śviežaha
  • ½ st. ł. marskoj soli
  • ¼ č. ł. čornaha piercu

Askrabicie i tonka narežcie ahurok. U vialikaj miscy źmiašajcie ahurok i zialonuju cybulu. U nievialikaj šklancy źmiašajcie vocat, miod, časnok, sol, čorny pierac i krop. Vylicie vocatnuju sumieś na ahurok, pieramiašajcie. Pry nieabchodnaści adrehulujcie smak, dadaŭšy bolš soli i čornaha piercu, i adrazu padavajcie.

Miatnaja sałata z ahurkami i kavunom

  • 8 šklanak narezanaha kubikami kavuna biez kostačak
  • 2 ahurki, razrezanyja ŭzdoŭž napałovu i narezanyja łustačkami
  • 6 zialonych cybulin, narezanych
  • 1/4 kubka zdrobnienaj śviežaj miaty
  • 1/4 šklanki balzamičnaha vocatu
  • 1/4 šklanki aliŭkavaha aleju
  • 1/2 čajnaj łyžki soli
  • 1/2 čajnaj łyžki piercu

U vialikaj miscy źmiašajcie kavun, ahurki, zialonuju cybulu i miatu. U nievialikaj miscy źmiašajcie astatnija inhredyjenty. Zalicie vadkaściu sałatu i pieramiašajcie. Padavajcie adrazu abo astudžajcie, nakryŭšy pierad hetym, 2 hadziny da padačy.

Kunžutna-imbirnaja sałata z ahurkom

  • 2 stałovyja łyžki rysavaha vocatu
  • 4 čajnyja łyžki sojevaha sousu
  • 1 stałovaja łyžka aliŭkavaha aleju
  • 2 čajnyja łyžki zdrobnienaha śviežaha korania imbiru
  • 2 čajnyja łyžki kunžutnaha aleju
  • 1 čajnaja łyžka miodu
  • 2 ahurki
  • 1 čajnaja łyžka padsmažanych siemiečak kunžutu
  • tonka narezanaja zialonaja cybula

Dla zapraŭki źmiašajcie pieršyja 7 inhredyjentaŭ. Abrežcie kancy i narežcie ahurki papiarok na častki daŭžynioj kala 7 sm. Potym narežcie hetyja kavałki ŭzdoŭž — sałomkaj. Pry padačy źmiašajcie ahurki z kunžutam i zapraŭkaj. Pasypcie zialonaj cybulaj.

Chrumstkaja sałata z ahurkom, limonam i piesta

  • 5 stałovych łyžak pryhatavanaha piesta
  • 1 stałovaja łyžka limonnaha soku
  • 2 čajnyja łyžki naciortaj limonnaj cedry
  • 1 i 1/2 čajnaj łyžki dyžonskaj harčycy
  • 1/4 čajnaj łyžki časnočnaj soli
  • 1/4 čajnaj łyžki piercu
  • 2 i 1/2 kubki tonka narezanaha žoŭtaha kabačka
  • 1 i 3/4 šklanki tonka narezanych maleńkich ahurkoŭ
  • 3/4 šklanki śviežaha harošku
  • 1/2 šklanki ciortaha syru parmiezan
  • 1/4 šklanki tonka narezanaj zialonaj cybuli
  • 5 toŭsta narezanych pałosak šynki, padsmažanych i raskryšanych

U miscy źmiašajcie pieršyja 6 składnikaŭ da adnastajnaści. U inšaj miscy źmiašajcie kabačok, ahurki, harošak, parmiezan i zialonuju cybulu. Palicie sałatu zapraŭkaj, pieramiašajcie. Pasypcie šynkaj dla padačy.

Śviatočnaja sałata z ahurkom, parezanym stužkami, i apielsinavaj zapraŭkaj

  • 1 siaredni kabačok
  • 1 siaredni ahurok
  • 1 siaredniaja morkva
  • 3 siarednija apielsiny
  • 3 šklanki śviežaha maładoha špinatu
  • 4 zialonyja cybuliny, drobna narezanyja
  • 1/2 šklanki zdrobnienych hreckich arechaŭ
  • 1/2 čajnaj łyžki soli
  • 1/2 čajnaj łyžki piercu
  • 1/2 šklanki žoŭtych razynak, pa žadańni

Dla zapraŭki:

  • 1/4 šklanki aliŭkavaha aleju
  • 4 čajnyja łyžki biełaha vinnaha vocatu
  • 1 stałovaja łyžka drobna narezanaj zialonaj cybuli
  • 2 čajnyja łyžki miodu
  • 1/4 čajnaj łyžki soli
  • 1/4 čajnaj łyžki piercu

Z dapamohaj aharodninarezki ci śpiecyjalnaj tarki narežcie kabačok, ahurki i morkvu ŭzdoŭž vielmi tonkimi pałoskami (stužkami).

Natrycie na drobnaj tarcy cedru apielsinaŭ, kab atrymałasia 2 stałovyja łyžki. Razrežcie adzin apielsin na dźvie častki; vyciśnicie sok, kab atrymałasia 1/2 šklanki. Pakińcie cedru i sok dla zapraŭki.

U dvuch apielsinaŭ, što zastalisia, adrežcie tonkija łustački źvierchu i źnizu. Pastaŭcie apielsiny viertykalna na došku. Nažom zrežcie z sadaviny łupinu i miembranu. Prybiarycie miembranu z kožnaha siehmienta, kab zastaŭsia tolki frukt.

U vialikaj miscy źmiašajcie špinat, apielsinnyja dolki, zialonuju cybulu, hreckija arechi, sol, pierac i, kali dadajacie, razynki. Dadajcie stužki z aharodniny; akuratna pieramiašajcie.

U nievialikaj miscy źmiašajcie inhredyjenty dla zapraŭki. Dadajcie pakinutyja apielsinavuju cedru i sok; raźmiašajcie da adnastajnaści. Palicie sałatu pałovaj zapraŭki; pieramiašajcie. Padavajcie z toj častkaj zapraŭki, jakaja zastałasia. 

Bolš receptaŭ:

Małasolnyja ahurki «nasucha» — hatovyja ŭžo praź niekalki hadzinaŭ + VIDEA

Letniaja sałata z syram burata

Try stravy na hryli

Kamientary4

  • Anatol
    09.07.2023
    Ahurki,parezanyja ŭzdoŭž na 4-ry častki pakryšyć na kavałački,dabavić taksama pakryšanuju zialonuju cybulu,soli pa smaku j śmiatany. Ŭsio źmiašać łyžkaj.Hetki prosty sałat rabili jašče maje babuli,a ciapier robić maja matula i žonka.
  • Sałata
    10.07.2023
    Małasolny letni ahurok da sała jašče nichto nie abminaŭ
  • Hyhy
    11.07.2023
    Z harbušaj i avakada. Choć biez ahurka, ale jak miatna kavunovy.

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić