Hety nastoj ź limonu, imbiru i kurkumy lohki ŭ pryhatavańni, pryjemny na smak i vielmi karysny dla arhanizma.
Na praciahu tysiačahodździaŭ ludzi vykarystoŭvali imbir — daŭniej biełarusy nazyvali jaho «imbierac», adsiul prykazka «dać piercu ź imbiercam» — dla lačeńnia prastudy, artrytu i navat mihreni. Imbir maje antyaksidantnyja i supraćzapalenčyja ŭłaścivaści.
Jon zdolny palahčać simptomy młosnaści i dapamahčy sardečna-sasudzistaj sistemie, piša The Wall Street Journal.
Kurkuma maje ŭ składzie kurkumin, jaki taksama źjaŭlajecca mocnym supraćzapalenčym i antyaksidantnym preparatam.
Limon — bahataja krynica vitaminu S.
Čyrvony pierac karysny dla stravavańnia.
Niefiltravany jabłyčny vocat maje karysnyja bakteryi.
A miod nadaje napoju niepoŭtorny smak.
Vam spatrebiacca:
Dla siropu:
1/3 čajnaj łyžki kurkumy
30 mł śviežaha soku imbiru (zmałoć korań imbiru ŭ błendary, zalić vadoj i pieramiešvać, sumieś maje być hustoj. Paśla treba pierakłaści sumieś u marlu i adcisnuć sok)
40 h miodu
Dla napoju:
20 mł limonnaha soku
1 stałovaja łyžka (abo mienš) jabłyčnaha vocatu
Drobka čyrvonaha piercu
Dolka limona dla azdoby
- Dla siropu treba ŭźbić sok imbiru i miod da adnarodnaj masy, paśla dadać kurkumu. Možna zachoŭvać u hiermietyčnym kantejniery ŭ ladoŭni na praciahu tydnia. Raźličana na 6 porcyj napoju.
- Da limonnaha soku dadajcie sirop i vocat, dadajcie drobku piercu. Paśla sumieś treba zalić 150 mł haračaj vady. Pieramiašać. Azdobić dolkaj limona.
Kamientary