Kali vy nikoli nie kaštavali buraty, ujavicie macarełu ź miakkaj śmietankovaj načynkaj. Hety syr idealna spałučajecca z sałodkimi, sakavitymi pamidorami, i razam jany stvarajuć idealnuju śviežuju sałatu, ad jakoj možna atrymlivać asałodu na praciahu ŭsiaho letniaha siezona.
Jak adznačaje aŭtar recepta, stvaralnik kulinarnych knih Kejsi Elzas, sakretny składnik hetaj sałaty — čas.
Pakińcie pamidory i zialonuju cybulu pastajać paŭhadziny, kab tamaty puścili sok i źmiakčyli cybulu. Za hety čas burata jakraz nahrecca da pakajovaj tempieratury, što dazvolić raskrycca jaje bahatamu smaku.
Vam spatrebicca:
- 4 vialikija sałodkija pamidory, narezanyja kołcami,
- 1 zialonaja cybula, drobna narezanaja,
- marskaja sol,
- śviežamołaty čorny pierac,
- 2 st. ł. aliŭkavaha aleju,
- 2 st. ł. čyrvonaha vinnaha vocatu,
- 2 šaryki buraty, asušanyja, pakajovaj tempieratury,
- narezany śviežy bazilik,
- chrumstki chleb dla padačy.
Jak hatavać:
- Źmiašajcie pamidory i cybulu; zapraŭcie 1 čajnaj łyžkaj soli i 1 čajnaj łyžkaj piercu. Apyrskajcie alejem i vocatam. Dajcie pastajać, pakul pamidory nie puściać vadkaść, a cybula-šałot nie stanie miakkaj, kala 30 chvilin.
- Spačatku vykładzicie tamaty z cybulaj płastami na vialikuju talerku, a potym buratu ŭ centr pamidoraŭ i raskryjcie rukami. Pasypcie bazilikam, zialonaj cybulaj, sollu i piercam. Padavajcie z chlebam.
Bolš receptaŭ:
Sałata z buraka i syru fieta — idealny bałans sałodkaha i salonaha
Hryl — heta nie tolki abvuhlenyja kaŭbaski. Padborka niebanalnych receptaŭ
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary
niaŭžo 20oo € 🤭🤑
praz paru chvilin dadać alej (nie masła!), kali jość